93
Úpí ĩꞌdi Úpí ꞌi
1 Úpí la ũpĩ na nĩ;
sụ̃ dị̃zã ũpĩ drị̂ ĩꞌdi ụrụꞌbá gá cí;
Úpí sụ̃ ũkpõ ĩꞌdi ụ́pị́cẹ́ gá cécé sẹ́rị̃ sụ̃jó rĩ áni;
ụ̃nọ́kụ̂ tu pá ũkpó ru ĩꞌdidrị́;
ãzíla icó ru ayalé ku.
2 Úmvúke mídrị́ ũpĩ najó rĩ iꞌdó ándrá ídu,
mí ábị́ adrulé jãꞌdâ.
3 Úpí, mĩrĩ inga kí ru ụ́ꞌdụ́kọ́ ꞌbo,
mĩrĩ inga kí ụ́ꞌdụ́kọ́ ĩꞌbadrị́ nujó rĩ rá,
inga kí ụ́ꞌdụ́kọ́ ĩꞌbadrị́ nujó rĩ rá.
4 Úpí ĩꞌdi úpí ru ꞌbá pírí kí drị̃lẹ́ gá,
ndẽ ũkpõ sĩ nuŋá mĩrĩ drị̂ rá,
ĩꞌdi ũkpó ru ndẽ mĩrĩ rá.
5 Úpí, ãzị́táŋá mídrị̂ kí ícó kí ujalé ku;
jó mídrị̂ ĩꞌdi ãlá ru,
ãsị̃ŋá kóru jãꞌdâ.