25
Cee hinzantoo kaŋ Bildad na šennoo zaa
1 Bildad, Šuwa boraa zaabi ka nee:
2 «Irkoy bara nda hini kaŋ ga hunburandi,
a ga alaafiya gorandi beenaa ra.
3 Nga wongu jamawey mma hin ka kabandi wala?
May do nga gaayoo si too?
4 Taka foo nda adamize ga hin ka tee šerrante Irkoy jine?
Taka foo nda boro kaŋ woy nʼa hay ga henan?
5 Handoo hunday si kaaray,
handarawey si henan a jine,
6 soko boro kaŋ manʼti kala nooni,
nda adamize kaŋ manʼti kala nooni-ize!»