100
Aduɲɲa kul ma Abadantaa saabu
1 Albarka daŋyan zabur.
Laboo kul, wa kaati nda ɲaali Abadantaa se!
2 Wa goy Abadantaa se nda ɲaali,
wa huru a jine nda ɲaali kaatiyan!
3 War ma bay kaŋ Abadantaa ti Irkoy,
nga kʼir tee, ir ti nga wane,
ir ti nga jamaa, nga alman kuroo kaŋ a gʼa kur.
4 Wa huru nga hugoo miɲey ra nda albarka daŋyan,
wa huru nga hugoo batumawey ra nda saabuyan!
Wa albarka tee a se, war ma maaɲoo saabu!
5 Zama Abadantaa ga boori, nga borohennataraa si ben abada,
nga laadirtaraa ga cindi zaman ka kaa zaman.