53
Boro goo no kaŋ ga Irkoy ceeci wala?
(Zaburey 14)
1 Donkey boŋkoynoo ka woo don. Dooni kaŋ bande laati goo. Woo ti Dawda bayti dooni foo.
2 Lakkal jaŋantaa mma nee nga boŋ se kaŋ Irkoy si bara.
I na goy laalayaŋ nda goy harramanteyaŋ tee,
boro sii i ra kaŋ ga ihenna tee.
3 Irkoy goo beenaa ra, a ga fuuni ganda ka adamizey guna,
ka dii wala boro goo i ra kaŋ goo nda lakkal henna,
kaŋ ga Irkoy ceeci.
4 I kul hibi Irkoy ga, i tee boro laala,
boro kul sii no kaŋ ga ihenna tee,
ba affoo.
5 Wey kaŋ ga šerretaray jaŋay tee sii nda lakkal,
ngi kaŋ ga ay jamaa ŋaa sanda ŋaayan,
i si Irkoy wiri.
6 Woo ga, hunburay ga duu ey,
bila addalil i ga hunbur.
Boro kaŋ tun ma ne, Irkoy ga nga birey say-say.
Nʼgʼi haawandi, zama Irkoy wanji i ga.
7 Nda a gar ba Siyoŋ koyraa ra Izirayel hallasiroo ga hun!
Waati kaŋ Irkoy na nga jamaa misoo hanse,
Yakuba ga ɲaali, Izirayel ga yafarhã.