54
Irkoy ti feerikaa
1 Donkey boŋkoynoo ka woo don. Dooni kaŋ bande hooray jinay linjikoyni goo. Woo ti Dawda bayti dooni foo.
2 A nka woo don waatoo kaŋ ra Zif borey koy nee Sawul se kaŋ Dawda goo ma tugu ngi do.
3 Ya Irkoy, ni maaɲoo albarkaa ra ay hallasi,
ni hinoo ka ciiti ya ne!
4 Ya Irkoy, haŋajer ay ŋaarayroo se,
haŋa kayandi ay miɲoo šenney se!
5 Zama boro waaniyaŋ tun ya ne,
boro binekogayaŋ ga ceeci ngi mʼay hundoo kaa,
i si Irkoy guna.
Kay-kayna
6 Amma Irkoy ti ay faabakaa,
ay Koyoo goo borey bande kaŋ gʼay gaa.
7 Yala bone ma kaŋ agay iberey boŋ,
i halaci ka sawa nda ni laadirtaraa!
8 Ay ga sargari kaa ma ne nda ay boŋ,
Abadantaa, ay ga ni maaɲoo saabu, zama ni maaɲoo ga boori.
9 A gʼay kaa torro kul ra,
agay iberey ga tee ya ne gunahaya.