3
नाइक्तीक नाक्त आ पर्बम लोव़
मत्ती १२:९-१४; लूका ६:६-११
1 मिनु येसु ग्रुम्तीक खिं लेंशा ओव़माक्त। मेकेर गुइ सोव़शो मुर का बाक्माक्त।
2 मिनु फरिसी नु सास्त्रीपुकीमी “नाइक्तीक नाक्ती सापाइक्तीक गेय पाइबा कों” दे योव़की पा कोव़ङमे बाक्त, मारदे हना दोस गेचा माल्शो बाक्मा बाक्त।
3 मिनु येसुमी गुइ सोव़शो मुर कली “एक पिवो” दे मदा बाक्त।
4 मिनु योव़की पा कोव़ब आन कली “नाइक्तीक नाक्त शिशी पचा देय मरिम्शो गेय पचा? ब्रोंइचा गेचा देय साइक्चा? तेको लोव़ अरेतीक लोव़ नु गारबा?” दे हिल्लो पवानु, सिक्सी पामे बाक्त।
5 मिनु सिक्सी पा बाक्शो तशा, आ थुं खाइश्शा गाइश्शा, मेको आन कली का का पा कोव़शा, गुइ सोव़शो कली “इ गुइ दिंदो” दे मदा बाक्त। मिनु मेकोमी गुइ दिंसेनु सामाक्त।
6 मिनु फरिसीपुकी ग्रूशा, हेरोदी आन कली शो शु खुप्शा “मेको कली दोपा साइक्चा ताइनय” दे लोव़सी पामे बाक्त।
मुर आन कली सापाइश्शो
मत्ती १२:१५-१६; लूका ६:१७-१९
7 मिनु नोले येसु नु आ शेंसीबपुकी सहर रे गाक्शा, गालील ङा समुन्द्र आ नेक्था जाक्दीम्मा बाक्त। शुश मुरुमी आन नोले खोदमे बाक्त। मेको खोइक्बपुकी ते ते ङा बाक्मा बाक्त देंशा हना, गालील नु यहूदीया रागी ङा, मत्ती ४:२५
8 यरूसलेम सहर ङा, इदुमेआ रागी ङा, यर्दन खोला आइक्ची हांबु ङा टायर नु सीदोन सहर ङा बाक्मा बाक्त। मेकोपुकीमी येसु आ पशो गेय आ पर्बम शुश लोव़ नेंशा जाक्मा बाक्त।
9 मिनु येसुमी आ शेंसीब आन कली “डोंगा का चाक्शा वोतीन” देंमाक्त। मारदे हना शुश मुरपुकीमी नेप्शा चुशा, येसु आ नेक्था जाक्चा बोल पामे बाक्त।
10 येसुमी रोइ पाइब शुश आन कली सापदा बाक्त। रोइ पाइबपुकीमी “थिचा तङल” दे आ नेक्था जाक्मा बाक्त।
11 ग्रांग्रा दिचा ङा वोलपुकीमी येसु कली तशा, पोक्च थेक्शा “परमप्रभु यावे आ तौ ननी” दे वाइ ब्रेम्मा बाक्त। लूका ४:४१
12 मिनु येसुमी “एको लोव़ मब्रपाइक्चा” दे माइक्मी बाक्त। मर्कूस १:४३-४४
१२ जना शेंसीबपुकी वोइश्शो
मत्ती १०:१-४; लूका ६:१२-१६
13 काबु येसु डांडा ङोंइसे बाक्त। मिनु सु सु आन कली योव़ङा, मेको आन कली आ नेक्था ब्रेत्ता बाक्त। मिनु मेको ब्रेश्शोपुकी जाक्मा बाक्त।
14 आं नु काथा बाक्चा कली नु शेंथ सोइक्चा कली
15 वोल खेरतीक अधिकार तशा बाक्मल, दे १२ जना आन कली वोइक्मी बाक्त।
16 मेको १२ जना आन नें सिमोन आ याइनी नें पत्रुस वोदा बाक्त।
17 जब्दी आ तौ याकूब नु आ लोक्ब यूहन्ना, मेको आस कली बोअनेरगेस नें वोदा बाक्त। बोअनेरगेस देंशो “बुंबु आ तौ नस” दे रुम्सीब। लूका ९:५४
18 मिनु अन्द्रीयास, फिलीप, बारथोलोमाइ, मत्ती, थोमास, अल्फयस आ तौ याकूब, थदेयस, सिमोन कनानी
19 नु यहूदा इस्कारीयोती बाक्मा बाक्त। यहूदा चहिं नोले येसु कली साइक्ब आन कली लां कोंइब दुम्माक्त।
येसु नु आ खिं ङा मुर
20 मिनु लेंशा शुश मुर खुम्समानु, येसु नु आ शेंसीबपुकी जचा कली यो नाइक्चा मतामे बाक्त।
21 मिनु येसु आ खिं ङा मुरपुकीमी मेको नेंशा “आ निप्स ग्यशो दुम्माक्त, दोपा यो खिं लाइक्चा” दे ब्रथ लमा बाक्त। मर्कूस ६:४; यूहन्ना ७:५; यूहन्ना ८:८४
येसु नु वोलपुकी
मत्ती १२:२४-३२; लूका ११:१४-२३
22 यरूसलेम रे यिशो सास्त्रीपुकीमी “बेल्जीबुलमी सुम्शो बाक्माक्त। वोल आन पिप आ सक्तिमी वोल आन कली खेरबाक्माक्त” देंमा बाक्त। मत्ती ९:३४
23 मिनु येसुमी मेको आन कली आ नेक्था ब्रेश्शा, कथा सेल्शा “सैतानमी सैतान कली खेरने चाप्बा ङा?
24 राज्य का ङा मुरपुकी जिशा ब्राशा गाक्तेक्म हना, मेको राज्य जाम्शा लाइब।
25 खिं का ङा मुरपुकी जिम्तेक्म हना, मेको खिं मलीब।
26 सैतान आ राज्यम जिशा ब्रातेक्म हना, आ राज्य नुप्शा लाइब।
27 बोल्यो मुर आ खिंम सुइ खुइ पथ ओव़ने मचाप्नीम। बोल्यो मुर कली फ्रेंशा पाइश्शा वोइश्शा ला, आ मारेइ मारेइ खुइ पने चाम्सीब।
28 नोफा दाइश्शा नेनीन, मुरपुकीमी पाप पाम्तेक्म हना यो, आन पशो पाप क्याम्चा ताइनीम। मरिम्शो लोव़ पाम्तेक्म हना यो, मेको पाप यो क्याम्चा ताइनीम।
29 तन्न परमप्रभु यावे आ सोक्त आ पर्बम मरिम्शो लोव़ पशो पाप चहिं मक्याम्सीब। मोदेंशो लोव़ पाइब आ पाप गेना हना यो लीब” देंमाक्त। हिब्रू ६:४-६
30 मारदे हना मेकोपुकीमी येसु आ पर्बम “येसु ग्रांग्रा दिचा ङा वोलम सुम्शो बाक्माक्त” देंशो बाक्मा बाक्त। यूहन्ना १०:२०
येसु आ खिं ङा मुर जाक्शो
मत्ती १२:४६-५०; लूका ८:१९-२१
31 मिनु येसु आ ममा नु आ लोक्बपुकी आ बाक्तीक लाङगामी जाक्मा बाक्त। मिनु “गो ग्रुम्थ जाक्तक” दे तुइक्पाइक्थ मुर सोइक्तमे बाक्त।
32 मेकोपुकी जाक्मानु, शुश मुर खुम्सीशा, येसु आ नेक्था बाक्शो बाक्मा बाक्त। मिनु मेको नेक्था बाक्बपुकीमी “इन ममा नु इन लोक्बम लोक्ब लाङगाम जाक्शा, इन कली ब्रेत्ताक्मे” दे मदमे बाक्त।
33 मिनु येसुमी “आं ममा नु आं लोक्बपुकी सु नमी?” देंशा,
34 आ नेक्था निश्शा बाक्ब आन कली कोव़शा “एकेर बाक्ब आं ममा नु आ लोक्बपुकी नम।
35 परमप्रभु यावे आ दाक्शो पाइबपुकी आं लोक्ब नु आं ममा नम” देंमाक्त।