30
आगुर आ लोव़
1 एको मास्सा ङा याकेह आ तौ आगुर आ देंशो लोव़ बाक्ब। मेकोमी इथीएल नु उकल कली एको लोव़ पाप्तु। मेकोमी “गो परमप्रभु कली माल्ना माल्न बाक्ती, तन्न मथिदु। उत्पत्ती २५:१२-१४
2 थमा पा गो मुर आन दातेमी निप्स मपाइश्शो मुर दुम्ती। गो नु मुर आन के खोदेंशो रुप्तीक मबाक्ब।
3 गो जोक्ब तुइक्ब दुम्चा मशेंसीङ। मिनु का ला बाक्शो परमप्रभु यावे कली मतुइक्नुङ।
4 सु स्वर्ग लशा, लेश्शा यिशो बाक्बा ङा? सुम फश कली आ गुइमी ग्याइक्ने चाप्बा ङा? सुम समुन्द्र ङा ब्वाक्कु कुम्लो पने चाप्बा ङा? सुम रागी आ सुर सेला? मेको आ नें मार बाक्बा? मेको आ तौ आ नें मार बाक्बा? गे तुइक्नेवे हना” देनो। अय्युब ३८:२८-३४
5 परमप्रभु आ लोव़ नेल्ल थमा बाक्ब। सु मेकेर लशा ख्रुंइसीबा, मेको कली श्येत रे तेक्ब। भजन संग्रह १२:७
6 मेको आ लोव़मी मारेइ यो मतेम्दो। तेम्ताक्वी हना, इ कली हुइश्शा, गे जोल पाइब मुर देंचा पुंइसीनेवे। ब्यवस्था ४:२
7 मिनु “गो इन कली थोव़क निक्शी पुंइनुङ। आं बेक्चा क्येङा ङोंइती मेको आं कली गेयीनी।
8 हेंथे पतीके नु जोल पतीक आं क्येङा ङोन वोतीन। आं कली प्रुङग मसेल्यीनी नु शुश क्येट थीब यो मसेल्यीनी। आं कली माल्चा ङा जचा थोव़क गेयीनी। तिमोथी ६:६-८
9 मारदे हना गो नु मारेइ मारेइ बाक्त हना, गो इन कली प्रेंनुङ। मिनु ‘परमप्रभु यावे सु बाक्बा?’ देंनुङा कों? मिनु गो प्रुङग दुम्ती हना, खुइ पा आं परमप्रभु आ नें आइक्च सेल्शा मुने तोक्नुङा कों?” देंती। प्रस्थान ५:२
10 गेय पाइब आ पर्बम आ होव़प नु मरिम्शो लोव़ मपावो। मो पाप्तीवी हना, मेकोमी इ कली सराप पाइब। मिनु गे श्येत जाइनेवे।
11 का निक्शी मुरुमी आन आफ कली सराप पाइनीम। मिनु आन आम कली आसीक मगेनीम।
12 का निक्शी मुरुमी आंम कली “गो गेना हना यो रिम्शो पाइब मुर नङ” देंनीम। तन्न मेको आन मरिम्शो पशो मक्याम्सीशो बाक्ब। हितोपदेस २०:९
13 का निक्शी मुर ठेयब लेश्शो बाक्नीम। मेको शुश बोरशो बाक्नीम।
14 का निक्शी मुर आन ख्रुइ तरवार नु छूरी खोदेंशो बाक्ब। मेकोपुकीमी प्रुङग आन कली नाक्शा, श्येत जाइब आन कली ब्वाइनीम।
15 मिनु याफे आ तमी निक्शी बाक्नीस। मेको निक्शीमी “गेयी, गेयी” देंनीस। मिनु अरु थोव़क सां बाक्नीम। मेकोपुकी गेनायो मरूनीम। अर्को ४ ओटा थोव़क बाक्नीम। मेकोमी गेनायो “मोक्ल” मदेंनीम।
16 बेक्शो मुर आन बाक्तीके, आल मथीब कोव़ज, ब्वाक्कु मतशो सोव़शो रू नु मी, एको ४ ओटा थोव़कमी गेनायो “गाप्ती” मदेंनीम।
17 आफ कली शुक्शी पाइब नु आम कली मटीब मुर आन मिक्च खदीमी कोक्शा ग्रुंइनीम। मिनु गिदपुकीमी ब्वाइनीम। हितोपदेस २०:२०
18 थोव़क सां बाक्नीम। मेको तशा गो छक लाक्ती। ४ ओटा थोव़क कली यो रुप्ने मचबु।
19 मेको मार बाक्तेक्म देंशा हना, ककाकुली आ सरीङम बेरतीके, रोंगु मेर बुस्स आन गाक्तीके, ठेयब समुन्द्रमी जहाज आन गाक्तीके नु वोंइश मुर नु मीश आल आस लां मेको रुप्ने मचबु।
20 हेंथे गाक्ब मीश मुरुमी जाइब। मिनु आ शोव़ शोप्शा “गो मारेइ मरिम्शो मपङ” देंब।
21 मिनु थोव़क सांमी रागी कली ख्रिंख्रि पपाइक्नीम। ४ ओटा थोव़क मेको फाल्ने मचाप्चा ङा बाक्नीम। उपदेसक १०:६-७
22 मेको ४ ओटा थोव़क मार बाक्तेक्म देंशा हना, वाइल पिप दुम्शो, मूर्ख जशा ब्वशा रूशो,
23 मरिम्शो मीश आल कली ग्युंबे पशो नु वाइलीम आ होव़पोक्म आ पा ङा मेको खिं ङा होव़पोक्म दुम्शो, एको ४ ओटा फाल्ने मचाप्चा ङा थोव़क बाक्नीम। ब्यवस्था २४:१-४
24 रागीम ४ ओटा आइक्च थोव़क बाक्नीम। तन्न मेकोपुकी थम जोक्ब तुइक्ब बाक्नीम।
25 रकमिक्च शुश बोल मपाइश्शो बाक्तेक्म हना यो, आन जचा थोव़क खुप्ची ना खुप्शा तेल्नीम। हितोपदेस ६:६-८
26 ब्वित्ती खोदेंशो जन्तु शुश बोल मपाइश्शो बाक्नीम। मो हना यो मेकोमी आन खिं रोंगुम सेल्नीम।
27 मिनु माले आन के पिप मबाक्ब। मोदेंशो बाक्तेक्म हना यो, मेकोपुकी लडाइ पाइब खोदेंशो पा तांती खिक्शा गाक्नीम।
28 खोते आन कली गुइम ग्याइक्ने चाम्सीब हना यो, मेकोपुकी पिप आ दरवारमी बाक्नीम।
29 मिनु थोव़क सां बाक्नीम। मेको ठेयब मुर खोदेंशो पा गाक्नीम। मिनु ४ ओटा थोव़क बाक्नीम। मेको ठेयब लेश्शा हिरनीम।
30 मेको मार बाक्नीम देंशा हना, गुप्स, जन्तु नेल्ल आन दातेमी नेल्ल क्येङा बोल्यो बाक्ब। मेको सुइ क्येङा महिंब।
31 ठेयब लेश्शा गाक्ब भाले, बोका नु आ सेना आन ङोंइती गाक्ब पिप बाक्नीम।
32 गे मूर्ख दुम्शा, आंम कली ठेयब सेल्तीवी हना, गे मरिम्शो पचा मिम्शो बाक्ते हना, इ कुल सुम्सो।
33 मिनु दूध ख्राक्शोनु नौनी घ्यू ग्रूब। नें तुप्शोनु, हुश यीब। मोपान गाइक्चा बोक्त हना, राम्शी बोक्ब।