కీర్తన 6
సంగీత దర్శకునికి. తంతి వాయిద్యాలతో పాడదగినది.బహుశ షమినీతు ఎనిమిది తంతుల వాయిద్యం కావచ్చు.దావీదు కీర్తన.
1 యెహోవా, మీ కోపంలో నన్ను గద్దించకండి
మీ ఉగ్రతలో నన్ను శిక్షించకండి.
2 యెహోవా, నేను బలహీనుడను, నాపై దయ చూపండి;
యెహోవా, నా ఎముకలు వేదనలో ఉన్నాయి, నన్ను బాగుచేయండి.
3 నా ప్రాణం తీవ్ర వేదనలో ఉంది.
ఎంతకాలం, యెహోవా, ఇంకెంత కాలం?
4 యెహోవా, తిరిగి రండి, నన్ను విడిపించండి;
మీ మారని ప్రేమను బట్టి నన్ను రక్షించండి.
5 మృతులు ఉండే మిమ్మల్ని జ్ఞాపకం చేసుకోరు
సమాధి నుండి ఎవరు మీకు స్తుతులు చెల్లిస్తారు?
6 మూలుగుతూ నేను అలిసిపోయాను.
రాత్రంతా నేను కార్చిన కన్నీటిలో నా పరుపు తడిసిపోతుంది
కన్నీటిలో నా మంచం మునిగిపోతుంది.
7 విచారంతో నా కళ్లు మసకబారుతున్నాయి.
నా శత్రువులందరిని బట్టి అవి క్షీణిస్తున్నాయి.
8 యెహోవా నా మొర ఆలకించారు,
కాబట్టి చెడు చేసేవారలారా, నా నుండి దూరంగా వెళ్లండి.
9 కనికరం కోసం చేసిన నా మొరను యెహోవా ఆలకించారు;
యెహోవా నా ప్రార్థన అంగీకరిస్తారు.
10 నా శత్రువులందరు సిగ్గుపడి అధిక వేదన పొందుతారు;
వారు హఠాత్తుగా సిగ్గుపడి వెనుదిరుగుతారు.