1 Lemuel donane paççahee uvhuynbı, yedee mang'us xət qıiyn cuvab. 2 Hucoona zı eyhes dix, zı uxuna dix, Düəbışika heeqqına dix? 3 Guc zəiyfabışis hımoole, Yiğın yəqbı paççahaaşikın ha'anbışik'le hımagva. 4 Lemuel, çaxır ulyoduy paççahaaşik avaakı deş, P'iyan haa'an ulyodğuy ıkkiykıniy vuk'lek vukkekkanbışik avaak'ı deş. 5 Ulyodğumee q'aanunxhe yik'el hiviyxan, Manbışe kar deşinbı hək' dena g'alyaa'as. 6 P'iyan haa'an ulyodğuy mançika qek'ang'us , Çaxırıd ver abıyng'us hele. 7 Hasre ulyodğu kar deşiyvalla yik'el hivxan hee'ecen, Culqa abına ver sayıb yik'el qavaal hımaa'acen. 8 Miz deşing'ul-alla ghal eeqe, Guc deşinbışda hək' avqe. 9 Ghal eeqe, qotkuyn eyhe, Kar deşinbışda, fağıraaşina hək' qevle. (Yugun ha'ana xhunaşşe) 10 Yugna xhunaşşe aveekına vuşune? Gıranne g'ayebışile mana gıranna vor. 11 Adamiyn yik' məng'ı'le arxayında vod, Mana məng'ı'ka barakat dena axvas deş. 12 I'mı'r volle adamiys pisın deş, yugun ha'as, 13 Xhayiy katan məng'ee g'əyxə, Xılençe yugda gırgın qöö. 14 Kar alişşu-massa helene gamibışik akar, Cesın oxhanasın kar əq'ənançe adayle. 15 Miç'axdanang'acar mana muğur qeexhe, Xizanısın oxhanasın otxhuniy ha'a, Həmbalaaşisda iş hoole. 16 Çoluka ilyakkiyle qiyğa çol ileşşe, Xılene əq'übayka bağ adaççe. 17 İş məng'ee geeb haa'a, Məng'ı'na guc cene işis g'iviyxharna. 18 Məng'ı'lqa kar alişşu-massa huvuyna ittulla hipxhırna, Xəmdeb məng'ı'na bazir k'əbəqqə deş. 19 Xıleka xha g'oodan kar iliyk'ar,)) 20 Kar deşing'unemee məng'ee xıl aaqa, Fağıraaşis xıl avqaaqqa. 21 Yiz gyuoğang'ad mana cune xizannemee q'əyq'ən deş, Məng'ı'ne xizanne gırgınbışe ç'əran kar ali'ı. 22 Yic g'ileexhane tyuliys aq'vabı iyxhva, Məng'ee yicee k'ışşeyn ç'əran katanın kar alya'a. 23 Adamiy məng'ı'na şaharne akkabışisnee yugra ats'a, Milletne ağsaqqalaaşika gyu'ur-oza qexhe. 24 Məng'ee zəiyfabışis ts'irabı, Yicee iyxuyn katanıken tanalinbı massa hele. 25 (--) 26 Mana k'orane ək'elika yuşan hee'e, Məng'ı'ne mizel vukkiykıniy yugvalla vob. 27 Xizanne işbışika mana ileeka, Tanbalıs avaak'iyn gıney oyxhan deş. 28 Uşaxar oza qeepxha məng'ı's gappar ha'a, Adameeyib məng'ı'na yugna gaf haa'a: 29 "Yugun zəiyfabı geeb vob, Vaka sa ayqasdame deşda". 30 Zəiyfayna yugvallayiy micagiyvalla horbışikan kar vod, Saccu Rəbbile qiyeeq'ənne zəiyfayk'le yugun eyhes eyxhe. 31 Məng'ı's gyooxhana hək' qevle, Hasre məng'ı'n işbı şaharne akkabışisnee ələtqecen.