136
Ná-nuɓɔɠɔlai ɠwɛ ge la ba
1 À Ɠɔoɠɔ GALAGI maamusɛ, mazɔlɔɔ pagɛ,
mazɔlɔɔ ná-wooɠɛɠiladai ɠa yɛsu ná ɠɔ.
2 À galagiti ta-ƓALAGI maamusɛ,
mazɔlɔɔ ná-wooɠɛɠiladai ɠa yɛsu ná ɠɔ.
3 À maliɠiiti ti-Maliɠii maamusɛ,
mazɔlɔɔ ná-wooɠɛɠiladai ɠa yɛsu ná ɠɔ.
4 Tɔ ɠila kpe ka é maaɓɛlɛ vaa wolaiti kɛɛni,
mazɔlɔɔ ná-wooɠɛɠiladai ɠa yɛsu ná ɠɔ.
5 Tɔ ɠa é geeɠɔlɔgi ɓɛtɛni ga keleɠelegi,
mazɔlɔɔ ná-wooɠɛɠiladai ɠa yɛsu ná ɠɔ.
6 Tɔ ɠa é zooi zuvieni, é pɛɛ ziɛ wolai ɠa,
mazɔlɔɔ ná-wooɠɛɠiladai ɠa yɛsu ná ɠɔ.
7 Tɔ ɠa é wozakala golaiti kpɛtɛai,
mazɔlɔɔ ná-wooɠɛɠiladai ɠa yɛsu ná ɠɔ.
8 É folo ɠaei ɓɛtɛni, é ɗa zei foloi unda,
mazɔlɔɔ ná-wooɠɛɠiladai ɠa yɛsu ná ɠɔ.
9 É alugi ta somideɠaiti kpɛtɛni, ti ɗa zei kpidii unda,
mazɔlɔɔ ná-wooɠɛɠiladai ɠa yɛsu ná ɠɔ.
10 É Ezipete nuiti ti-loun zunu mɔungiti paani,
mazɔlɔɔ ná-wooɠɛɠiladai ɠa yɛsu ná ɠɔ.
11 É Izilayɛle nuiti kulani ti zaama,
mazɔlɔɔ ná-wooɠɛɠiladai ɠa yɛsu ná ɠɔ,
12 ga ná-zeezuɓaai ta zobogi,
mazɔlɔɔ ná-wooɠɛɠiladai ɠa yɛsu ná ɠɔ.
13 Tɔ ɠa é Seeli Kpoloɗɛi ʋalini su fele,
mazɔlɔɔ ná-wooɠɛɠiladai ɠa yɛsu ná ɠɔ.
14 É Izilayɛle nuiti teʋeni saamaʋɛ,
mazɔlɔɔ ná-wooɠɛɠiladai ɠa yɛsu ná ɠɔ.
15 É Falaɠɔn ta ná-kɔɔɓɔgiti tooni bu ná,
mazɔlɔɔ ná-wooɠɛɠiladai ɠa yɛsu ná ɠɔ.
16 É loni ná-nuɓusɛiti tuɠɔ teʋebai zu,
mazɔlɔɔ ná-wooɠɛɠiladai ɠa yɛsu ná ɠɔ.
17 É masa golaiti koloɠoloni,
mazɔlɔɔ ná-wooɠɛɠiladai ɠa yɛsu ná ɠɔ.
18 É masagiti undaaʋilini, zobobɛ nu wolaiti,
mazɔlɔɔ ná-wooɠɛɠiladai ɠa yɛsu ná ɠɔ.
19 É Siɠon undaaʋilini, Amool nuiti ta-masagi,
mazɔlɔɔ ná-wooɠɛɠiladai ɠa yɛsu ná ɠɔ.
20 É Wɔge undaaʋilini, Ɓasan nuiti ta-masagi,
mazɔlɔɔ ná-wooɠɛɠiladai ɠa yɛsu ná ɠɔ.
21 É ta-yooi veeni ga tɔnɔ,
mazɔlɔɔ ná-wooɠɛɠiladai ɠa yɛsu ná ɠɔ.
22 É fe ná-botiɠɛ nui Izilayɛle ʋɛ ga nɔnɔ,
mazɔlɔɔ ná-wooɠɛɠiladai ɠa yɛsu ná ɠɔ.
23 É ɠizɛni ade zu, siɛgi zu ade ɠɛni la maanɔɠɔi zu,
mazɔlɔɔ ná-wooɠɛɠiladai ɠa yɛsu ná ɠɔ.
24 É ade ɠulani de wɔinzeɠe nuiti kpein zea,
mazɔlɔɔ ná-wooɠɛɠiladai ɠa yɛsu ná ɠɔ.
25 Toɠa daamianigi veezu kpɛtɛaniiti pɛ zea,
mazɔlɔɔ ná-wooɠɛɠiladai ɠa yɛsu ná ɠɔ.
26 À GALAGI maamusɛ, nii é geeɠɔlɔgi zu,
mazɔlɔɔ ná-wooɠɛɠiladai ɠa yɛsu ná ɠɔ.