Si-nu̱guanꞌ Yanꞌanj Xa̱ngaꞌ San Juan 19

1 Hué dan ni̱ gaꞌninꞌ Pilato sun sisi̱ ga̱ꞌuiꞌ ni sij nneꞌ xiráj Jesús. 2 Ngaa ni̱ runꞌun ni snado ꞌngo̱ yaꞌa̱ tanj, guiꞌyaj ni sij ꞌngo̱ corona gaꞌníj ni sij chra̱ Jesús. Ni̱ gaꞌníj ni sij ꞌngo̱ atsij rian ru̱miꞌ mare xá Jesús gunu̱n síꞌ. 3 Ngaa ni̱ gataj ni sij gunun Jesús:

―Hua ꞌueé ni̱nꞌ si-rey ni tsínj israelita. ―Daj gaguáj ni sij gaꞌmi ducu ni sij niꞌyaj ni sij Jesús.

Ni̱ garaꞌui raꞌa ni sij rian Jesús nej.

4 Ngaa ni̱ gahui ru̱huaꞌ yún Pilato ne̱ꞌ chrej xe̱ꞌ. Ni̱ gataj sij gunun ni tsínj israelita:

―Ni̱ꞌyaj á re̱ꞌ. Yya̱j ni̱ ni̱cā sij ꞌnāj rian án re̱ꞌ. Ngaa ni̱ ga̱ꞌue xa̱caj á re̱ꞌ cuenta sisi̱ nitaj gaquinꞌ daꞌui sij nariꞌīj mánj. ―Daj gataj Pilato.

5 Ngaa ni̱ gahui Jesús xe̱ꞌ. Ni̱ nu̱n chra̱ síꞌ corona tanj. Ni̱ nu̱n síꞌ atsij rian ru̱miꞌ mare daj. Ni̱ gataj Pilato:

―Hué tsínj nan niquinꞌ rian án re̱ꞌ aj. ―Gataj Pilato.

6 Ni̱ ngaa guiniꞌi ni chrej aꞌninꞌ nga̱ ni policía dugumi nuhui, ni̱ gaguáj ni sij. Ni̱:

―Do̱coꞌ re̱ꞌ sij rian rugutsi̱. Do̱coꞌ re̱ꞌ sij rian rugutsi̱ aj. ―Daj gaguáj ni sij.

Ngaa ni̱ gataj Pilato:

―Ni̱caj á re̱ꞌ ga̱nꞌanj án re̱ꞌ, ni̱ do̱coꞌ a ni é re̱ꞌ rian rugutsi̱ sij. Güendāj, sani̱ naꞌue na̱riꞌīj u̱n gaquinꞌ daꞌui sij mánj. ―Daj gataj Pilato.

7 Ngaa ni̱ gataj ni tsínj israelita:

―Nicaj ni únj ꞌngo̱ ley. Ni̱ ataj si-ley ni únj sisi̱ hua nia̱n ga̱huiꞌ sij. Daj si ataj sij sisi̱ huin sij daꞌníj Yanꞌanj.

8 Ni̱ ngaa gunun Pilato nuguanꞌ daj, ni̱ na̱anj guxuꞌuiꞌ ni̱nꞌ ruhua sij. 9 Ngaa ni̱ gatúj ru̱huaꞌ yún sij chruhua ducuasun. Ni̱ nachínj snanꞌanj sij Jesús. Ni̱:

―Ni̱ a̱ ꞌna̱ꞌ re̱ꞌ únj. ―Gataj Pilato.

Sani̱ a̱ ꞌngo̱ nuguanꞌ nun danica̱j Jesús mánj. 10 Ngaa ni̱ gataj Pilato:

―Ni̱ si̱ gaꞌmí re̱ꞌ ngāj ga̱ a̱ꞌ. Nun niꞌí re̱ꞌ sisi̱ nicaj sūnj sisi̱ ga̱ꞌue docōj rian rugutsi̱ so̱ꞌ ga̱ a̱ꞌ. Ni̱ ga̱ꞌue ga̱ níꞌnij rián so̱ꞌ, gui̱ꞌyā nej ga̱ a̱ꞌ. ―Daj gataj Pilato.

11 Ngaa ni̱ gataj Jesús:

―Sisi̱ nun riqui Yanꞌanj sun gui̱nicaj re̱ꞌ, ni̱ si̱ gunucuáj re̱ꞌ gui̱nicaj re̱ꞌ sun riānj mánj. Xiꞌí daj ni̱ tsínj nariqui manꞌānj rián re̱ꞌ, ni̱ daꞌui sij nico gaquinꞌ daj nga̱ manꞌán re̱ꞌ aj. ―Daj gataj Jesús.

12 Ngaa ni̱ asi̱j hora daj, ni̱ nanoꞌ Pilato da̱j gui̱ꞌyaj sij, ni̱ na̱ꞌni raꞌa sij Jesús. Sani̱ gaguáj ni tsínj israelita. Ni̱ gataj ni sij:

―Sisi̱ na̱ꞌnij raꞌá re̱ꞌ tsínj nan, ni̱ nitaj si nicaj dugüíꞌ re̱ꞌ nga̱ rey gu̱ꞌnaj César mánj. Daranꞌ ni tsínj ꞌyaj rey manꞌan, ni̱ ununꞌ ni sij nga̱ César. ―Daj gaguáj ni sij.

13 Ni̱ ngaa gunun Pilato nuguanꞌ daj, ni̱ guiri sij Jesús xe̱ꞌ. Ni̱ ganꞌanj ga̱ne sij rian mesa rian naguiꞌyaj yya sij ni gaquinꞌ. Ni̱ yuꞌuj daj gu̱ꞌnaj Gabata snanꞌanj hebreo. Ni̱ nuguanꞌ daj huin ruhuaj gata ꞌngo̱ yuꞌuj ngaj yej nia̱ꞌ. 14 Ni̱ ruhua gui̱sij ga xu̱huij güi ngaa guiꞌyaj xugüi ni ngüi̱ israelita xiꞌí guiꞌyanj pascua. Ngaa ni̱ gataj Pilato gunun ni tsínj israelita:

―Hué si-rey ni é re̱ꞌ niquinꞌ rian án re̱ꞌ nan. ―Daj gataj Pilato.

15 Sani̱ gaguáj ni sij. Ni̱:

―Ni̱caj re̱ꞌ sij ga̱nꞌanj re̱ꞌ do̱coꞌ re̱ꞌ rian rugutsi̱ aj. ―Daj gataj ni sij.

Ngaa ni̱ nachínj snanꞌanj Pilato ni sij, ni̱ gataj síꞌ:

―Asi̱ huin ruhua á re̱ꞌ sisi̱ do̱cōj si-rey ni é re̱ꞌ rian rugutsi̱, ruhua á re̱ꞌ níꞌ. ―Daj gataj Pilato.

Ngaa ni̱:

―Urin rey gu̱ꞌnaj César huin rian ni únj. Nitaj ango mánj. ―Daj gataj ni chrej aꞌninꞌ gunun Pilato.

16 Ngaa ni̱ nagaꞌuiꞌ Pilato Jesús raꞌa ni sij sisi̱ ni̱caj ni sij Jesús ga̱nꞌanj do̱coꞌ ni sij síꞌ rian rugutsi̱. Hué dan ni̱ nicaj ni sij Jesús ganꞌanj ni sij.

Crucifixión y muerte de Jesús

17 Ngaa ni̱ gata manꞌan Jesús si-rugutsi̱ sij ganꞌanj sij chra̱ dacan gu̱ꞌnaj chra̱ cúj níman. Ni̱ snanꞌanj hebreo gu̱ꞌnaj Gólgota. 18 Ni̱ hué yuꞌuj daj gari ni sij gaquíj Jesús doco̱ꞌ ni sij rian rugutsi̱ síꞌ. Ni̱ doco̱ꞌ ni sij yahuij tsínj daj rian yahuij rugutsi̱. Ni̱ nicoꞌ Jesús da̱ni nu̱ngüej síꞌ. 19 Ngaa ni̱ gaꞌninꞌ Pilato sun sisi̱ ga̱run ni sij ꞌngo̱ ruguechra̱ꞌ chra̱ rugutsi̱ gui̱nun letra. Ni̱ gataj letra daj: “Jesús Nazareno huin síꞌ Rey rian ni ngüi̱ israelita.” Daj gataj letra daj. 20 Ni̱ nico ni tsínj israelita gaya letra daj si ni̱chrunꞌ duꞌua xumanꞌ Jerusalén huin doco̱ꞌ ni sij Jesús rian rugutsi̱. Ni̱ hua ni̱ca garun Pilato letra daj snanꞌanj hebreo nga̱ snanꞌanj latín nej, snanꞌanj griego nej.

21 Xiꞌí daj ni̱ gataj ni chrej aꞌninꞌ rian Pilato:

―Si̱ garún re̱ꞌ sisi̱ si-rey ni ngüi̱ israelita huin sij mánj. Maan si ga̱run re̱ꞌ sisi̱ ataj manꞌan sij sisi̱ hué sij huin si-rey ni ngüi̱ israelita aj. ―Daj gataj ni sij.

22 Ni̱:

―Si hua garūnj ni̱ hué daj ga̱j. ―Gataj Pilato gunun ni síꞌ.

23 Ngaa guisíj doco̱ꞌ ni snado Jesús rian rugutsi̱, ni̱ nacaj ni sij si-ganꞌ Jesús. Ni̱ guraꞌ daꞌaj ni sij ga̱nꞌanj mando si-ganꞌ síꞌ. Ni̱ nacaj go̱ꞌngo ni snado daj daꞌaj atsij go̱ꞌngo sij. Ni̱ nacaj ni sij atsij manta gunun Jesús. Ni̱ sé atsij nanuhua ni sij huin-ínꞌ. Sani̱ atsij anánj ni sij huin. 24 Xiꞌí daj ni gataj ni du̱güiꞌ ni snado:

―Sani̱ si̱ gutsiꞌ néꞌ mánj. Sani̱ du̱cu néꞌ sisi̱ da̱j hua néꞌ gui̱ꞌyaj gana na̱caj atsij nan. ―Daj gataj ni sij.

Ni̱ hué daj gataj ni sij sisi̱ ga̱huin yya da̱j rúnꞌ gataj si-nu̱guanꞌ Yanꞌanj:

Nuraꞌ daꞌaj ni sij si-ganꞌānj.

Ni̱ ducu ni sij sisi̱ na̱caj ni sij mantāj.

Hué daj gataj si-nu̱guanꞌ Yanꞌanj.

Ni̱ daꞌngaꞌ daj guiꞌyaj ni snado daj.

25 Ni̱ niquinꞌ ni̱chrunꞌ nni Jesús rian rugutsi̱ nga̱ xugüij unj nej, María nica̱ Cleofas nej, María Magdalena nej. 26 Ni̱ ngaa guiniꞌi Jesús sisi̱ niquinꞌ nu̱guanꞌan nni sij nga̱ tsínj nicoꞌ sij huin síꞌ tsínj ꞌi̱ ruhua sij, ngaa ni̱ gataj sij gunun nni sij:

―Nnānj, tsínj niquinꞌ daj ga̱huin daꞌníj re̱ꞌ aj. ―Daj gataj Jesús.

27 Ngaa ni̱ gataj Jesús gunun tsínj nicoꞌ sij daj:

―Yunꞌunj xa̱na nan ga̱huin nní re̱ꞌ aj. ―Daj gataj Jesús.

Ni̱ asi̱j hora daj ni̱ nahuin raꞌa tsínj daj nni Jesús sisi̱ ga̱ne únꞌ ducuá síꞌ du̱gumi síꞌ.

28 Ni̱ ngaa guisíj gataj Jesús nuguanꞌ daj, ni̱ guiniꞌi sij sisi̱ gahuin yya daranꞌ si gataj si-nu̱guanꞌ Yanꞌanj xiꞌí sij. Ngaa ni̱ gataj sij:

―Nagoꞌōj nnee aj. ―Daj gataj Jesús.

29 Ni̱ nne ꞌngo̱ siu̱ nu̱n nnee vino yu̱ yuꞌuj daj. Ni̱ jniyaj ni sij vino daj chra̱ si rúnꞌ hua gachij daj. Ni̱ gutaꞌ ni sij gachij daj chra̱ ꞌngo̱ riuj. Ngaa ni̱ dugüinꞌ ni sij duꞌua Jesús. 30 Ni̱ ngaa guisíj goꞌo Jesús vino yu̱ daj, ni̱ gataj síꞌ:

―Ganahuij sun guiꞌyā. ―Daj gataj Jesús.

Hué dan ni̱ guinicoꞌ ni̱j Jesús chra̱ sij, ni̱ gahuiꞌ sij.

El costado de Jesús traspasado

31 Ni̱ huin diꞌni̱ güi ngaa ga̱huin guiꞌyanj pascua. Ni̱ naꞌuej ni tsínj israelita sisi̱ gui̱nicoꞌ aninꞌ hua̱ꞌnij níman rian rugutsi̱ güi naránj ruhua ni sij. (Daj si güi gue̱ huin ngaa naránj ruhua ni sij daj.) Hué daj ni̱ gachínj jniꞌyaj ni sij rian Pilato sisi̱ ga̱ꞌnij síꞌ ni snado ga̱nꞌanj du̱guaranꞌ ni síꞌ daꞌma̱n aninꞌ hua̱ꞌnij tsínj nicoꞌ rian ni rugutsi̱ daj. Ni̱ ni̱caj ni síꞌ ni níman daj ga̱nꞌanj ni síꞌ ango yuꞌuj, ruhua ni sij. 32 Ngaa ni̱ ganꞌanj ni snado duguaranꞌ ni sij daꞌma̱n ꞌngo̱ tsínj daj. Ni̱ hué daj guiꞌyaj ni sij nga̱ ango tsínj nicoꞌ nu̱guanꞌan nga̱ Jesús. 33 Sani̱ ngaa gaꞌna̱ꞌ ni sij rian nicoꞌ Jesús, ni̱ guiniꞌi ni sij sisi̱ hua gahuiꞌ síꞌ. Yuꞌuj daj ni̱ nun duguaranꞌ ni sij daꞌma̱n síꞌ ga̱ mánj. 34 Sani̱ xaꞌuij ꞌngo̱ snado lanza gati̱n Jesús. Ni̱ ꞌngo̱ hora gahui tun hua nnee gati̱n síꞌ.

35 Ni̱ tsínj nataꞌ nuguanꞌ nan, ni̱ hué sij guiniꞌi daranꞌ si gahuin. Ni̱ xa̱ngaꞌ si-nu̱guanꞌ sij. Ni̱ nataꞌ sij nuguanꞌ nan sisi̱ gu̱xuman ruhua ni é re̱ꞌ gui̱niꞌi ni é re̱ꞌ Jesús.

36 Ni̱ hué daj gahuin sisi̱ ga̱huin yya da̱j rúnꞌ gataj si-nu̱guanꞌ Yanꞌanj: “Ni̱ a̱ ꞌngo̱ cúj Jesús nun garanꞌ mánj.” Daj gataj si-nu̱guanꞌ Yanꞌanj. 37 Ni̱ gataj ango si-nu̱guanꞌ Yanꞌanj: “Gui̱niꞌyaj ni sij tsínj xaꞌuij ni sij lanza.” Daj gataj ango si-nu̱guanꞌ Yanꞌanj xiꞌí Jesús.

Jesús es sepultado

38 Hué dan ni̱ daꞌ síj ni̱ gaꞌna̱ꞌ ꞌngo̱ tsínj gu̱ꞌnaj José. Ni̱ nne sij ꞌngo̱ yuꞌuj gu̱ꞌnaj Arimatea. Ni̱ guinicoꞌ hui̱ sij Jesús. Daj si xuꞌuiꞌ sij niꞌyaj sij ni tsínj israelita. Ngaa ni̱ gachínj jniꞌyaj sij rian Pilato sisi̱ ga̱ꞌuej síꞌ gui̱nicaj sij níman ga̱nꞌanj sij. Ngaa ni̱ garáj xina̱ Pilato. Hué dan ni̱ gaꞌna̱ꞌ sij ni̱ nicaj sij níman Jesús ganꞌanj sij. 39 Ni̱ hué daj gaꞌna̱ꞌ tsínj gu̱ꞌnaj Nicodemo tsínj gaꞌmi nga̱ Jesús ne̱ꞌ ni̱ asi̱j ná. Ni̱ nicaj síꞌ gaꞌna̱ꞌ síꞌ ꞌngo̱ si hui̱j xia kilo si nachej dugüiꞌ mirra nga̱ aloé huin si quinꞌ da̱j. 40 Hué dan ni̱ guidaꞌa nu̱ngüej sij níman Jesús. Ni̱ dutáj nu̱ngüej sij atsij manta sa̱ꞌ síꞌ. Ni̱ garij nu̱ngüej sij gonoꞌo guinꞌ da̱j riqui manta Jesús. Daj si hué daj huin ducuánj nicaj ni tsínj israelita ngaa achinꞌ ni sij níman. 41 Ni̱ ri̱an doco̱ꞌ ni sij Jesús rian rugutsi̱, ni̱ ngaj ꞌngo̱ nnaa̱ chrun. Ni̱ da̱ni nnaa̱ chrun daj táj ꞌngo̱ yuꞌuj huej. Ni̱ hua gayaꞌ ni sij yuꞌuj huej daj sisi̱ ga̱chinꞌ ni sij níman. Sani̱ a̱ ꞌngo̱ níman nun ga̱chinꞌ ni sij yuꞌuj da mánj. 42 Hué dan ni̱ xiꞌí si ꞌyaj xugüi ni tsínj israelita sisi̱ ga̱huin guiꞌyanj pascua, ni̱ xiꞌí si ni̱chrunꞌ táj yuꞌuj daj, ni̱ ganꞌanj ga̱chinꞌ nu̱ngüej sij Jesús.