Dwom 23
Dawid dwom.
1 Awurade ne me hwɛfo, hwee renhia me.
2 Ɔma meda wira frɔmfrɔm adidibea mu;
ɔgya me kɔ nsuo a ɛho dwoɔ ho,
3 ɔdwodwo me kra.
Ɔde me fa akwantenenee so,
ne din enti.
4 Sɛ menam
owuo sum kabii mu mpo a,
mensuro bɔne bi,
ɛfiri sɛ, wo ne me na ɛwɔ hɔ;
wʼabaa ne wo poma
na ɛkyekyere me werɛ.
5 Woto me ɛpono wɔ
mʼatamfoɔ anim.
Wode ngo afɔ me tirim;
me kuruwa ayɛ ma abu so.
6 Yie ne adɔeɛ nko na ɛbɛdi mʼakyi
me nkwa nna nyinaa;
na mɛtena Awurade fie
daa.