☰ Ibraniylarƣa 5
5
1 Ⱨǝr ⱪetimliⱪ bax kaⱨin insanlar arisidin tallinip, hǝlⱪⱪǝ wakalitǝn Hudaƣa hizmǝt ⱪilixⱪa, yǝni hǝlⱪning atiƣan ⱨǝdiyǝlirini wǝ gunaⱨlar üqün ⱪilƣan ⱪurbanliⱪlirini Hudaƣa sunuxⱪa tǝyinlinidu. 2 Uning ⱨǝrtǝrǝplǝp ajizliⱪliri bolƣaqⱪa, bilimsizlǝr wǝ yoldin qǝtnigǝnlǝrgǝ mulayimliⱪ bilǝn muamilǝ ⱪilalaydu. 3 Xu ajizliⱪi üqün u hǝlⱪning gunaⱨliri ⱨesabiƣa ⱪurbanliⱪ sunƣandǝk, ɵz gunaⱨliri üqünmu ⱪurbanliⱪ sunuxⱪa toƣra kelidu.■ 4 Ⱨeqbir kixi bu xǝrǝplik mǝrtiwini ɵzlükidin almaydu, pǝⱪǝt Ⱨarunƣa ohxax, Huda tǝripidin qaⱪirilƣandila uni alidu.□  ■ 5 Huddi xuningdǝk Mǝsiⱨmu bax kaⱨin mǝrtiwisigǝ Ɵzini uluƣlap ɵzlükidin erixkǝn ǝmǝs, bǝlki Uni uluƣliƣuqi Huda Ɵzi idi; U Uningƣa: —
 
«Sǝn Mening Oƣlumdursǝn, bügün Mǝn Seni tuƣdurdum» degǝn.□  ■
 
6  U muⱪǝddǝs yazmilarning yǝnǝ bir yeridǝ Uningƣa: —
«Sǝn ǝbǝdil’ǝbǝdgiqǝ Mǝlkizǝdǝkning tipidiki bir kaⱨindursǝn» degǝn.□  ■
7 Mǝsiⱨ yǝr yüzidiki künlǝrdǝ, Ɵzini ɵlümdin ⱪutⱪuzuwelixⱪa ⱪadir Bolƣuqiƣa ⱪattiⱪ nidalar wǝ kɵz yaxliri bilǝn dua-tilawǝtlǝr wǝ yilinixlarni kɵtürdi. Uning ihlasmǝnlikidin dualiri ijabǝt ⱪilindi.□  ■ 8 Gǝrqǝ U Hudaning Oƣli bolsimu, azab qekixliri arⱪiliⱪ itaǝtmǝn boluxni ɵgǝndi.■ 9 U mana muxundaⱪ mukǝmmǝl ⱪilinƣan bolƣaqⱪa, barliⱪ Ɵzigǝ itaǝt ⱪilƣuqilarƣa mǝnggülük nijatni barliⱪⱪa kǝltürgüqi bolup, □ 10 Huda tǝripidin «Mǝlkizǝdǝkning kaⱨinliⱪ tüzümi tǝrtipidǝ bax kaⱨin» dǝp jakarlandi.□
 
Etiⱪadtin yanmasliⱪⱪa agaⱨlandurux
11 Bu ix toƣruluⱪ eytidiƣan nurƣun sɵzlirimiz bar, lekin ⱪulaⱪliringlar pang bolup kǝtkǝqkǝ, bularni silǝrgǝ eniⱪ qüxǝndürüx tǝs. □ 12 Qünki silǝr alliburun tǝlim bǝrgüqi boluxⱪa tegixlik bolƣan qaƣdimu, ǝmǝliyǝttǝ silǝr yǝnila Hudaning sɵz-kalamining asasiy ⱨǝⱪiⱪǝtlirining nemǝ ikǝnlikini baxⱪilarning yengiwaxtin ɵgitixigǝ moⱨtajsilǝr; silǝrgǝ yirik yemǝklik ǝmǝs, bǝlki yǝnila süt kerǝktur. ■
13 Qünki pǝⱪǝt süt bilǝnla ozuⱪlinidiƣanlarning bowaⱪtin pǝrⱪi yoⱪtur, ular ⱨǝⱪⱪaniyǝt kalamiƣa pixxiⱪ bolmiƣan ƣoridur, halas. 14 Biraⱪ yemǝklik bolsa yetilgǝnlǝr, yǝni ɵz ang-zeⱨinlirini yahxi-yamanni pǝrⱪ etixkǝ yetildurgǝnlǝr üqündur.
 
 
■ 5:3 Law. 9:7; 16:6; Ibr. 7:26. □ 5:4 «Ⱨeqbir kixi bu xǝrǝplik mǝrtiwini ɵzlükidin almaydu, pǝⱪǝt Ⱨarunƣa ohxax, Huda tǝripidin qaⱪirilƣandila uni alidu» — «Mis.» 28:1dǝ hatirilǝngǝndǝk, Huda Musa pǝyƣǝmbǝrgǝ akisi Ⱨarunni Israillarning tunji bax kaⱨini ⱪilip tǝyinlǝx ⱨǝⱪⱪidǝ ǝmr bǝrgǝn. Ⱨarun Lawiy ⱪǝbilisidin idi. ■ 5:4 Mis. 28:1; 1Tar. 23:13; 2Tar. 26:16. □ 5:5 «Sǝn Mening Oƣlumdursǝn, bügün Mǝn Seni tuƣdurdum» — «Zǝb.» 2:7. ■ 5:5 Zǝb. 2:7; Ros. 13:33; Ibr. 1:5. □ 5:6 «Mǝlkizǝdǝkning tipidiki bir kaⱨin..» — «Mǝlkizǝdǝk» toƣruluⱪ 7-bab 1-2-ayǝtlǝrgǝ ⱪaralsun. Mǝlkizǝdǝk ɵzi «Yar.» 14-babta kɵrünidu. «Sǝn ǝbǝdil’ǝbǝdgiqǝ Mǝlkizǝdǝkning tipidiki bir kaⱨindursǝn» — «Zǝb.» 110:4. ■ 5:6 Zǝb. 110:4; Ibr. 7:17. □ 5:7 «Mǝsiⱨ yǝr yüzidiki künlǝrdǝ...» — grek tilida «Mǝsiⱨ ǝttǝ turƣan künlǝrdǝ...» bilǝn bildürülidu. ■ 5:7 Mat. 26:39; 27:46,50; Yⱨ. 17:1. ■ 5:8 Fil. 2:6. □ 5:9 «mǝnggülük nijatni barliⱪⱪa kǝltürgüqi bolup,...» — «barliⱪⱪa kǝltürgüqi» degǝn ibarǝ grek tilida «yol baxliƣuqi» ⱨǝm «ul salƣuqi» degǝn yǝnǝ ikki mǝninimu tǝng bildüridu. □ 5:10 «U (Mǝsiⱨ)... Huda tǝripidin «Mǝlkizǝdǝkning kaⱨinliⱪ tüzümi tǝrtipidǝ bax kaⱨin» dǝp jakarlandi» — 7-bab -1-2-ayǝtlǝrgǝ ⱪaralsun. Mǝlkizǝdǝk ɵzi «Yar.» 14-babta kɵrünidu. □ 5:11 «bu ix toƣruluⱪ...» — yaki «U toƣruluⱪ...» (yǝni, Mǝsiⱨ ⱨǝⱪtǝ...). ■ 5:12 1Kor. 3:1, 2, 3.
☰