67
Lwimbo lwa kulonga malumbo
(Kwa yalingwaluchiza kwimba. Kwa vinhu vya ng'weso vya muziki. Zabuli. Lwimbo.)
Utonele isungu, gwa Nguluwi, ututambichize,
utulajile kumeho kwa hegwe kwa kunoga,
leka isi yeng'ha ivizele nzila ya hegwe,
wanhu wa isi zeng'ha wavizele ludali lwa hegwe lwa kulohola.
 
Wanhu weng'ha wakupe ukulu, gwa Nguluwi,
wanhu weng'ha wakutogole.
 
Wanhu wa isi zeng'ha wasangalale na kwimba kwa usangalalo,
kwa vila kwanguwatagusa wanhu kwa hachi,
na kuwalongoza wanhu wa isi zeng'ha muisi.
 
Wanhu weng'ha wakupe ukulu, gwa Nguluwi,
wanhu weng'ha wakutogole.
 
Isi nailavya mbena zake,
Nguluwi, Nguluwi wa hetwe, nakatutambichiza.
Nguluwi yalutilile kututambichiza.
Wanhu weng'ha muisi wamdumbe.