20
God ana tarawatu 10
1 Ma God i babani ma wei riwai i latoni,
2 Tau Bada ami God, panipaniei au Egypt a taravaina-opunemi.
3 Taumi eḡa god ḡelaui ona raudunelei, Tau ainelau ona rauduneleu.
4 Taumi eḡa aiwai au mara bo au dobu bo boga au orana dobu au gabaurina kokoitaui ona kauei da ona raudunelei.
5 Taumi eḡa kokoitaui ona raudunelei bo ona viborumei, aubaina Tau Bada ami God ununurana. Ma taui i gedugeduaieu ana kovoḡi da kimta au vi-4-na.
6 Wate taui aiavoi nuanuau e vaivaini ma au tarawatu e vovojijini au nuavaina maemae-nonoana ana verei da kimta tausan nanare.
7 Taumi eḡa Bada ami God wavana ona vinamei. Aiai da Bada wavana e vivinamei ina kovoḡi.
8 Sabate eḡa nuanuami ina vuru ma ona notanotai ma ona vovivirei tau awariu.
9 Aupom 6 ami nola ona kauei.
10 Wate au pom vi-7-na lamna Sabate, lauvitau marana, i vovivirei Bada ami God aubaina. Wei au marana eḡa aiai ina nola: eḡa tam, natum orotona bo wavinena, am taunola orotona ma wavinena, bo am ḡamoḡamo, ma dobuḡela ravai awarim e mamae.
11 Aubaina au pom six au orana Bada mara ma dobu i kauei; boga ma anatapui au orana. Wate i vilauvitau au pom au vi-7-na. Lamna aubaina Bada Sabate i viaiaini ma i vovivirei.
12 Amam ma alom ma vivirei, da am lawana ina manawa au dobu, Bada am God e vereverem.
13 Eḡa ma viraḡena.
14 Eḡa ravaḡela awana ma viawawanei.
15 Eḡa ma danene.
16 Eḡa ma viwavu-moru
17 Eḡa ravaḡela ana numa ma vikwinei. Eḡa ravaḡela awana ma vikwinei, bo ana taunola orotona bo wavinena, ana bulumakau, ana donki, bo aiwai ḡelaui ḡarinei.