Minkunga 126
Thangu yi kuna ayi yi vela
Nkunga wunyimbudulu mu nzila yi kuendila ku nzo Yave.
1 Mu thangu Yave kavutula batu bakangama ku Sioni,
tuba banga batu banlota zindozi.
2 Miunu mieto miba miwala masevo ; ludimi lueto minkunga mi khini.
Buna batuba muidi makanda ti :
“Yave wuba vangidi mambu manneni.”
3 Yave wutuvangidi mambu manneni ;
ayi khini yitufulukidi.
4 Vutula diaka kimvuama kieto, a Yave ;
banga bina bimila bi minlangu ku Nengevi.
5 Bobo beti kuna ayi matsuela mu meso,
bela vedila mu minkunga mi khini.
6 Wuntotukanga ku nganda ayi matsuela mu meso ;
wunatanga mbongo mu kuna ;
weti vutuka ayi minkunga mi khini mu natanga mimvumba mi biti.