Minkunga 46
Nzambi widi suamunu kieto
Nkunga bana ba babakala ba Kole kuidi pfumu minyimbidi ; bayimbidila mu mbembo yi fioti yi bana babaketo.
1 Nzambi niandi suamunu kieto
ayi zingolo zieto ;
niandi nsadisi wu zithangu zioso mu ziphasi.
2 Diawu tulendi mona tsisi ko
ka diambu ko ntoto wulenda buka
ayi miongo milenda bulumuka ku tsi mbu,
3 ka diambu ko, minlangu beni milembo dumi,
milembo fundumuka ayi miongo miela nikuka
mu diambu di makhesi mawu.
4 Vayi vadi nlangu wumosi wunneni wubeki mimvuila
mieti monisa divula di Nzambi khini ;
buangu kiviatukidi nlongo vovo veti vuanda
Nzambi yizangama.
5 Nzambi widi va khatitsikꞌandi ;
kalendi bua ko.
Nzambi wela kusadisa tona mu khiesa yi nsuka.
6 Makanda malembo tudi divunzi,
bipfumu bilembo bua.
Wuwakikisa mbembo andi ; ntoto wusiuta.
7 Yave nkua ngolo yoso widi yeto ;
Nzambi yi Yakobi niandi suamunu kieto ki ngolo.
8 Yizanu ayi lutala mavanga ma Yave,
maniongo momo kanata va ntoto.
9 Niandi wumanisa zimvita nate ku sukisina ntoto
wukelula mimbasa ayi wubukuna madionga ;
wuyoka ku mbazu minkaku.
10 Luba dio sui ayi luzaba ti minu Nzambi.
Ndiela yayusu muidi makanda, ndiela yayisa va ntoto.
11 Yave nkua ngolo yoso widi yeto.
Nzambi yi Yakobi niandi suamunu kieto ki ngolo.