Minkunga 93
Yave weti yala tona thama ayi mu zithangu zioso.
1 Yave weti yala, vueti nzitusu,
Yave vueti nzitusu ayi wukivuatisidi zingolo.
Nza yidi yikindusu dio ngui ;
yilendi nikuka ko.
2 Kundu kiaku ki Kipfumu kikibiekolo tona thama ;
ngeyo widi tona mu zithangu zioso.
3 Mimbu mifuemini, a Yave ;
mimbu miwakisidi zimbembo ziawu,
mimbu miwakikisidi mayo mawu mankumba.
4 Lulendo viokila dumu ki minlangu minneni
lulendo viokila bobo beti basa mimbi
Yave lulendo kadi mu diyilu.
5 Zinzengolo ziaku zidi zitelama dio ngui.
Bunlongo bueti monisanga kitoko mu nzo aku, a Yave,
mu bilumbu bikambulu tsukulu, a Yave.