Yook 70
Yook ambo bi ye karub yeman. Dewidbed wongkoon. Kaamoni yeman.
1 O God, ne kuu burudande nende.
O Yariman, kirodmo mene awawe.
2 Kane kanembed ne nande kamiibdan kuu
karak kondeneb kerebkarab kerunde.
Kane kanembed ne monmarandamiibdan korem kuu
ben amonombesaroko ikakman winibko irinyonde aningkoyiibban kerundok.
3 Kane kanembed ne kande iningkuk yeman keriwen kuu
karak kondoko ikakman winime.
4 Kumban kane kanembed eb ande onmiibdan kuu,
eb yaa dowakeniib kere kubime,
kwane kane kanembed bobni yaa burudande bindi ye kiwaan ebbed ongmewen kuyaa dowaken darewoob kowiwen kuu,
kekane yedmimamime, “God yaningko darewoob arimbed kerok!” andimamime.
5 Kumban ne yaa dabab meneboon, nangkon kamboknon keraan,
o God, ne yaa kirod mene!
Eb kuu ne awawi ye karub, eb kuu ne nen burudande angka kowi ye karub,
o Yariman, erebnaraab, kibireb mene!