23
Tɑcɑɑ kɛlɛ mɑ tiikilu
1 Tɑfiiti yontu.
Ɩsɔ nyɑ́ tiikiɣinɑ-m,
mɑɑ lɑŋəɣɩ pʋlʋ.
2 Pə tɔɔ kɛ́ n pukinɑ-m nyɩɩtʋ
kʋlɛkəlɛkətʋ tɑɑ nɑ mɑ́ hɛɛsəɣɩ.
Nɑ ń yeki nɑ mɑ́ hɛɛsəɣɩ lʋm mpi
pə wɛ təpɑmm tɔ pə cɔlɔ.
3 N tɑɣɑnəɣɩ mɑ toŋ kpɑɑsʋɣʋ
nɑ ń pukinɑ-m mpɑɑʋ kʋsiɣisuɣu tɑɑ sɩ, nyɑ́ hətɛ ɩ́ yɑɑ.
4 Pɑɑ mɑ tɔŋ səkpɛtʋɣʋ ɑnɑɑm tɑɑ,
mɑɑ nyɑŋ sɩ pʋlʋpʋ kɑ́ lɑ-m.
Mpi tɔ, Tɑcɑɑ n wɛ mɑ wɑɑlɩ tɔ se.
N tiikiɣi-m nɑ ń kentiɣi mɑ tɔɔ nɑ pə́ tʋɣʋ-m nɑɑni.
5 Tɑcɑɑ, pɑɑ mɑ kolontunɑɑ kiŋ,
n mʋɣʋ-m kɛ́ nɑ ń pələɣɩ mɑ nyʋɣʋ tɑɑ kɛ́ sɔɔsʋŋ nim,
nɑ ń sɩɩkɩ-m tɔɣɔnɑɣɑ təkpɛtɛkpɛtɛ.
Nɑ ń suuliɣi mɑ iyɑɣɑ kʋnyɔnyɔɔɣɑ təpɑm.
6 Tɑmpɑnɑ tɔɔ, n lɑkɩ-m kʋpɑntʋ kɛ́
nɑ ń sɔɔləɣɩ-m hɑlənɑ mɑ weesuɣu kʋyɛɛŋ tɛ́.
Mɑ nɑ-ŋ tɩɩ kpɛntɩ teu kɛ́, hɑlənɑ mɑ səm.