24
Tɑcɑɑ kɛlɛ ɑntulinyɑ wulɑʋ sɔsɔ
1 Tɑfiiti yontu.
Tɑcɑɑ nyɑ́ tənnɑ ɑntulinyɑ tənɑ nɑ ɩ tɑɑ yəlɑɑ
nɑ pə tənɑ mpi pə wɛ ɩ tɑɑ tɔ.
2 Nyɑ́ sɩɩnɑ ɑntulinyɑ kite kɛ teŋku nɑ
lʋmnɑɑ tɔɔ nɑ ń tɔkɑ-ɩ.
3 Awe tɑkɑ kɑ́ kpɑnɑ Tɑcɑɑ nyɑ́ pulɑɣɑ
ŋkɑ kɑ tɔɔ pɑ sɛɛkɩ-ŋ tɔ?
Nɑ pʋntʋ sʋʋ nyɑ́ təcɑɣɑlɛ nɑŋŋ nyəntɛ ntɛ́ tə tɑɑ?
4 Mpɑ pɑ kisɑ ɩsɑɣɑtʋ lɑpʋ nɑ pɑ lotu wɛ kʋlʋmtʋ
nɑ pɑ́ tɑ́ hɑ pɑ təɣɩ tɩɩŋ lɑɑʋ nɑ pɔpɔtʋ nɔɔsɩ sɩɩʋ tɔɣɔ.
5 Tɑcɑɑ lɑŋlɛ kɑ hɛɛnɑ-wɛ nɑ ɩ́ wɑɑsɩ-wɛ,
nɑ ɩ́ kooli-wɛɣɛ kʋpɑntʋ.
6 Yəlɑɑ mpɛ ɩnɩ pɑ tɑkɑnɑɑ sɛɛkənɑ Tɑcɑɑ.
Yɑkɔpʋ lʋlʋɣʋ nyə́mɑ siɣisiɣi mpɑ pɑ pəsəɣɩ
nɑ pɑ́ kɔɔ ɩ ɩsɛntɑɑ tɔɣɔlɛ.
7 Tɑm tɔɔ nɔnɔɔsɩ mɛ ɩ́ tʋlɩ təyelele,
nɑ teeli wulɑʋ sʋʋ.
8 Aweɣelɛ teeli wulɑʋ ɩnɩ?
Tɑcɑɑ toŋ tʋ wei ɩ kɛ́ yooŋ tɑɑ ɑkɑ tɔɣɔ.
9 Tɑm tɔɔ nɔnɔɔsɩ mɛ ɩ́ tʋlɩ təyelele,
nɑ teeli wulɑʋ sʋʋ.
10 Aweɣelɛ teeli wulɑʋ ɩnɩ ye?
Atɛ nɑ ɩsɔtɑɑ Tɑcɑɑ kɛlɛ teeli wulɑʋ.