26
Yʋlʋpɑŋ yɑɑʋ kɛ Tɑcɑɑ
1 Tɑfiiti yontu.
Tɑcɑɑ, hɑ-m tɑmpɑnɑ.
Mpi tɔ, mɑ yɑɑsi tewɑɣɑ,
pəyele mɑ pɛtɑ-ŋ mɑ təɣɩ təkpɑtɑɑ.
Mɑ tɑ hɛlɩ.
2 Mɑɣɑsɩ-m nɑ ń wiili mɑ lotu tɑɑ,
nɑ ń yɑsɩ mɑ ləmɑɣɑsɛɛ tɑɑ nɑ ń nɑ́.
3 Mɑ nɑɑkɩ nyɑ́ kʋpɑntʋ nɑ mɑ ɩsɛ,
nɑ mɑ́ tɔŋ nyɑ́ tɑmpɑnɑ tɑɑ.
4 Mɑɑ təŋəɣɩ pɔpɔtʋnɑɑ,
pəyele mɑ nɑ mənɑɑfikinɑɑ tɩɩ tɔŋ.
5 Mɑ tɑɑ kpɑɑkənɑ ɩsɑɣɑlɑtɑɑ kpekəle kɛ́.
Pəyele mɑɑ kpətəɣənɑ nyɔɔŋ fɛɩnɑɑ.
6 Tɑcɑɑ, mɑɑ sɑŋ mɑ niŋ nɑ pə́ hʋlɩ sɩ mɑ kɛ́ kʋpɑŋ,
nɑ mɑ́ cɔɔ kɔtɑɣɑ təlɑtɛ,
7 nɑ mɑ́ sɛɛkɩ-ŋ nɑ mɑ́ sɑŋ nyɑ́ kookɑlənɑɑ.
8 Tɑcɑɑ mɑ sɔɔlɑ nyɑ́ təyɑɣɑ kɛ́.
Nyɑ́ təcɑɣɑlɛ tənɑɣɑ nyɑ́ teeli nɑɑkɩ.
9 Tɑɑ kpɛntɩ mɑ́ nɑ ɑsɑɣɑɑ kɛ təkʋlɛ,
yɑɑ mɑ́ nɑ yʋlʋkʋlɑɑ tɑ́ weesiŋ ləsʋɣʋ.
10 Mpɑ pɑ lɑkɩ kɑwɑlɑɣɑ nɑ
pɑ́ pɑɑləɣɩ kʋhɑɑŋ ɩsɑɣɑŋ tɔ.
11 Mɑ yɑɑsi tewɑɣɑ.
Nyənɩ mɑ pətɔɔtəlɛ nɑ ń yɑ-m.
12 Mɑ səŋɑɑ kɛ́ təcɑ,
mɑɑ sɛɛ Tɑcɑɑ kɛ sɑmɑɑ tɑɑ.