20
ዳዊቲ ዛማሬታ ካቦስ ዬጺዳ ማዛሙሬ
1 ኔኒ ሜቶቲዳ ዎዴ
ጎዳይ ኔ ዎሳ ሲዮ፤
ያቆቤ ጾሳ ሱንꬂ
ኔና ሚንꬂ ኤሶ።
2 ባ ኬꬃፌ ኔስ ማዶ ኪቶ፤
ጺዮኔፔ ማዶይ ዮ።
3 ኔ ያርሾ ኡባ ኢዚ ኣኬኮ፤
ኔ ጹጊዛ ያርሾን ኢዚ ኡፋዬቶ።
4 ኔ ዎዚና ኣሞ ኔስ ኢሞ፤
ኔ ሃልቾ ኡባ ፖሎ።
5 ኔ ጾኒዳ ጊሻስ
ኑኒ ኡፋይሳን ሆምቦጫና፤
ኑ ጾሳ ሱንꬃን
ኑ ባንዲራ ꬎቁ ኦꬃና፤
ኔ ዎሳ ኡባ
ጎዳይ ኔስ ኢሞ።
6 ጎዳይ ባ ዶሪዳ ካዎዛስ
ጾኖ ኢሚዛይሳ ታኒ ሃኢ ኤራዲስ፤
ባ ኡሻቻ ኩሼዛን
ኢዚ ጊታ ጾኖን ኩንꬃና፤
ባ ጌሻ ሳሎፔካ
ኢዛስ ዛሮ ኢማና።
7 ኢሶቲ ኢሶቲ ባንታ ኦላ
ፓራ-ጋሬን ኣማኔቴቴስ፤
ሃራቲ ባንታ ፓራን ጬቄቴቴስ፤
ኑኒ ጊዲኮ
ኑ ጎዳ ዎልቃን ጬቄቶስ።
8 ኢስቲ ꬉጴቲዲ ኩንዳና፤
ኑኒ ጊዲኮ ዴንዲዲ
ሚኒ ኤቃና።
9 ኣቤት ጎዳዉ!
ካዎዛስ ጾኖ ኢማ፤
ኑኒካ ኔና ጼይጊዛ ዎዴ ሲያ።