25
Bilidadizi Hiobe dâŋ okacne bâtikiecneme arec jahec â moc ewec
1 Hiobe e iŋuc mume Suhiŋic Bilidadizi dâŋ okacne kecʒiŋuc bâtikiecnewec:
2 “Anutu e tâpiri ɋuŋɋasaŋ sâko‐ticnehec,
irec ŋic jaŋe ʒeŋgoma araŋ bacnenʒepieŋ;
e sambâŋ uucmaŋ‐ticnao wama bâfuawec fokac.
3 Aŋelofâc‐ticne kiŋaŋ qacneeŋgopieŋ jaŋe
mozi sâcne wosec‐jopaocmu?
Me tatamac‐ticnezi hae mâreŋ moc wena mi tamaeekac?
4 Ŋic bahacmâc moczi Anuture maio sâcne juocmu?
Me ŋic ŋokackonec fuakicne moczi
maŋɋaɋac sâcne domaocmu?
5 Manakic, mosare tatamaczi ere maio uucne mi riŋkeekac,
â bâpiŋ jaŋere tatamaczi ɋaɋac taeŋne wâc mi eekac.
6 Anutu e jaŋere fuŋne iŋuc honeekacko
ine ŋic e gisic â umbeŋ jaŋere sâc sawa juhame
wemocko moc honeme biaŋkeocmu.”