12
Mosezi micne bame mâreŋ rombiŋ
1 Jordaŋ ŋifec ʒoaŋ wewefunao mâreŋ forakac, Aronoŋ wâneŋkonec feraku Herimoŋ tikio fisikac, erâ mâreŋ burocne ʒoaŋ wewefunaopec rakac i sasawa hâcne Israe ŋic jaŋe ro rauc efârembiŋ. Ehuc ŋicwofuŋ ʒi jahe bawahac‐jofambiŋ:
2 Amori ŋic jaŋere ŋicwofuŋ Sihoŋ e Hesiboŋ haeo juhuc Aronoŋ wâneŋ mickekacko Aroe hae ŋekac irecnec fuŋkerâ rafeku wâneŋ ʒâʒâŋiŋ fotâcnerâ raku Jaboko opâ Gileade mâreŋ dâkâne Amoŋŋic jaŋere mao fisikac i soŋaŋke‐fârewec.
3 Erâ mâreŋ burocne irecnec raku Kinerote riqic ʒoaŋ wewefunao Bete‐Jesimo haeopec rakac â Hâwec Hâmocne irecnec mâreŋ juwicpec raku Pisiga heâŋ fuŋnao mickekac i wâc mâmâc.
4 Erâ Basaŋte ŋicwofuŋ Ogo e Refaim ŋic ʒanʒaŋne jaŋeraonec mocjaha maczi Asitaroto â Ederei haeo juwec.
5 Ehuc mâreŋ ʒiŋuc soŋaŋkewec: Herimoŋ tiki â Saleka hae, erâ Basaŋ mâreŋ sasawa raku Gesuri ŋic â Makati ŋic jaŋere mao, erâ Gileade mâreŋ dâkâne irecnec raku Hesiboŋte ŋicwofuŋ Sihoŋ ere mao fisiwec.
6 Wofuŋte kiŋaŋŋic Mose â Israe ŋic jaŋe ŋicwofuŋ i jahe imac‐jofambiŋ. Eme Wofuŋte kiŋaŋŋic Mose eki mâreŋ‐jekic i Israe ŋic jaŋe ro rauc eniŋte Rubeŋ â Gade jahere guru â Manase guru dâkâne bâtâc bajarewec.
Josuazi micne bame mâreŋ rombiŋ
7 Ŋicwofuŋ ʒi â mâreŋ‐jeŋic Jordaŋ ocniŋuc ʒoaŋ huhunaopec Lebanoŋ wâneŋko Baali‐Gada hae ŋewec irecnec waharâ raku Halaka tiki Seiri mâreŋkopec ferâ rakac i Josua â Israe ŋic jaŋe imac‐jopa‐fârembiŋ. Eme mâreŋ‐jeŋic i Josuazi Israe ŋic guru sâc bâtâc bajarewec.
8 I tiki mâreŋ, wâneŋ, sopâc mâreŋ, tapine, mâreŋ burocne â Negebe mâreŋ, Hitiŋic, Amori ŋic, Kanaaŋ ŋic, Periʒi ŋic, Hiwiŋic â Jebusi ŋic jaŋere mâreŋ hâcne.
9 Ŋicwofuŋ bawahac‐jopambiŋ jaŋere hae irec ʒâŋe biri ine ʒiŋuc:
Jeriko, Ai (i Bete hae heririŋnao ŋewec),
10 Jerusalem, Heboroŋ,
11 Jaramuti, Lakisi,
12 Egeloŋ, Geʒera,
13 Debiri, Gederi,
14 Horima, Arada,
15 Libina, Adulam,
16 Makeda, Bete,
17 Tapua, Hefere,
18 Afeke, Lasaroŋ,
19 Madoŋ, Hazoro,
20 Simoroŋ‐Meroŋ, Akisafa,
21 Tanaki, Megido,
22 Kedesi, Jokeneam (i Karamele tikio).
23 Doro (i Nafado mâreŋko), Goim (i Giligali mâreŋko),
24 erâ wâc Tiriza. Ŋicwofuŋ sasawa ʒare‐jeŋic 31.