100
Tiri ufuŋko fehuc Anutu muteŋkezo
1 Mâreŋne mâreŋne Wofuŋ semuja hecneniŋ.
2 Bubiaŋ manahuc Wofuŋ kiŋaŋ qacneniŋ,
gae hecnehuc mai‐ticnao fuaniŋ.
3 Wofuŋ e Anutu jukac i mananiŋ.
Meticnao fuambeŋte eki rauc‐nâpokac;
nâŋâc ŋicfâc‐ticne â sapa‐ticnere lama guru.
4 Daŋge bacnehuc motâc sâko‐ticnao feniŋ,
mumbiaŋkehuc hae ʒoŋa‐ticnao fuaniŋ,
daŋge âzâcneniŋ, ʒâŋe‐ticne muafeckeniŋ.
5 Wofuŋ e uruc jauŋ‐ticnehec jukac,
aki anonoc‐ticne fofo sanaŋ foocmu,
â erâ‐eesanaŋ‐ticne mimiŋzi ɋâric forahuc juocmu.