11
ཆད༌པ༌ རྕུ༌པ༌
11:1-10
1 ཏེ༌ནེ༌ ཡ༌ཝའེ༌ མོ༌ཟེས༌ལ༌ མོལས༌, “ངའེ༌ ཨི༌ཇིབ༌བི༌ གྱལ༌པོ༌ དང༌ ཁོའེ༌ མི༌གུན༌ལ༌ ཏ༌རུང༌ ཆད༌པ༌ ཅིག༌ ཏང༌ཨིན༌། ཏེ༌སྟིང༌ནེ༌ ཁོའེ༌ ཁྱོ༌ཞ༌གུན༌ འི༌ཀ༌ནེ༌ ཆ༌ཅུག༌ཨིན༌། ཏན༌ཏན༌ ཁོའེ༌ ཁྱོ༌ཞ༌ ཚང༌མ༌ འི༌ ས༌ཆའེ༌ ནང༌ནེ༌ ཕིང༌ཏེ༌ ཏང༌ཨིན༌།
2 ཨིས༌ར༌ཨེལ༌པ༌ བུ༌མོ༌ དང༌ བུ༌ཚ༌ གུན༌ལ༌ ཁོ༌རང༌གུན༌ནི༌ ཨི༌ཇིབ༌པ༌ ཁྱིམ༌ཚེས༌པ༌གུན༌ལ༌ སེར༌ དང༌ མུལ༌ལི༌ ཅ༌ལག༌གུན༌ ཏོང༌ ཟེར༌ཅེས༌ལ༌ ཟེར༌།”
3 ༼ཡ༌ཝའེ༌ ཨི༌ཇིབ༌པ༌གུན༌ནི༌ ཨིས༌ར༌ཨེལ༌པ༌གུན༌ལ༌ ཀུས༌པ༌ ཡང༌ ཨི༌ཇིབ༌བི༌ སྤོན༌བོ༌གུན༌ དང༌ མི༌གུན༌ལ༌, མོ༌ཟེས༌ མི༌ མ༌ ཀྲག༌པོ༌ ཐེ༌ཅུག༌ག༌ ཛདས༌།༽
4 ཏེ༌ནེ༌ མོ༌ཟེས༌སི༌ གྱལ༌པོའ༌ ཟེརས༌, “ཡ༌ཝའེ༌ འི༌ཟུག༌ མོལས༌, ‘དི༌རིང༌ ཚན༌སྐྱིལ༌ ཟམ༌ཤིག༌ག༌ ང༌ ཨི༌ཇིབ༌ གྱུད༌ཏེ༌ ཆེན༌
5 ཡང༌ ཨི༌ཇིབ༌བི༌ ནང༌ང༌ བུ༌ཚ༌ གོ༌བུ༌ ཚང༌མ༌ ཤི༌ཨིན༌, གྱལ༌པོའེ༌ བུ༌ཚ༌ གོ༌བུ༌ ཁྲིས༌ ནོར༌སྐལ༌ལ༌ ཐོབ༌ཅེས༌ཅན༌ནེ༌ ཏངས༌ཏེ༌ ལག༌པའེ༌ རན༌ཐགས༌གི༌ཀ༌ ཡོད༌ཁན༌ནི༌ ཚེ༌ཡོག༌གི༌ བུ༌ཚ༌ གོ༌བུ༌ ཚག༌པ༌ ཡང༌ སེམས༌ཅན༌གུན༌ནི༌ གོ༌སྐྱེས༌ ཕོ༌ གུན༌ནའང༌ ཤི༌ཨིན༌།
6 ཨི༌ཇིབ༌ གང༌པོའེ༌ ནང༌ང༌ ངུ༌སྐད༌ སྲན༌ཏྲེ༌ ཚོར༌ཨིན༌ ཀ༌བོ༌ དག༌ས༌ ཚོག༌པ༌ མ༌ཚོར༌ཁན༌ ཡང༌ ཡོང༌ཅེས༌ཅན༌ནི༌ ཏུས༌སི༌ ནང༌ང༌ མི༌ ཚོར༌།
7 ཨིན༌ནའང༌ ཨིས༌ར༌ཨེལ༌པ༌གུན༌ནི༌ ཕྲོའ༌ ཏེ༌ཟམ༌ ཞི༌དེའེ༌ ཡོང༌ཨིན༌, ཁོང༌གུན༌ནི༌ ཁྱི༌གུན༌ནི༌ མི༌ ཡ༌ སེམས༌ཅན༌ ཞིག༌གའང༌ མི༌མུག༌།’ ཏེ༌ནེ༌ ང༌ ཡ༌ཝའེ༌ ཨི༌ཇིབ༌པ༌ དང༌ ཨིས༌ར༌ཨེལ༌པ༌ གུན༌ནི༌ ནང༌ང༌ ཁྱད༌ ཅོ༌ཁན༌བོ༌ ཁྱོ༌ཞ༌གུན༌ལ༌ གྱུས༌ཆེན༌།”
8 མོ༌ཟེས༌སི༌ ཟེརས༌, “ཁྱོ༌རང༌ངི༌ སྤོན༌བོ༌ ཚང༌མ༌ ཡོངས༌ཏེ༌ ང༌ ཆག༌ ཕུལ༌ཏེ༌ ཟེར༌ཨིན༌, ‘ཁྱོ༌རང༌ དང༌ ཁྱོ༌རང༌ངི༌ གྱབ༌ནེ༌ ཡོང༌ཁན༌ ཚང༌མ༌ ཁྲིད༌ཏེ༌ སོང༌།’ ཏེ༌སྟིང༌ནེ༌ ང༌ ཆེན༌།” ཏེ༌ནེ༌ སྲོ༌ སྲན༌ཏྲེ༌ ཉམ༌པོ༌ མོ༌ཟེས༌ གྱལ༌པོ༌ ཡོད༌ས༌ནེ༌ སོང༌།
9 ཡ༌ཝའེ༌ མོ༌ཟེས༌ལ༌ མོལ༌ཏེ༌ ཨིན༌པིན༌, “ཨི༌ཇིབ༌བི༌ ནང༌ང༌ ངའེ༌ ལྟས༌ མང༌ང༌ སྟན༌ཅེས༌སི༌ ཕིའ༌ གྱལ༌པོའེ༌ ཁྱོ༌རང༌ངི༌ ཟེར༌ཁན༌ལ༌ མི༌ཉན༌།”
10 མོ༌ཟེས༌ དང༌ ཨ༌རོན༌ནི༌ ལྟས༌གུན༌ གྱལ༌པོའེ༌ དུན༌ལ༌ སྟནས༌, ཨིན༌ནའང༌ ཡ༌ཝའེ༌ ཁོའེ༌ སྙིང༌སྐྱོང༌པོ༌ ཅོའ༌ ཛད༌ཅེས༌པོའེ༌ ཁོའེ༌ ཨིས༌ར༌ཨེལ༌པ༌གུན༌ ཁོ༌རང༌ངི༌ ཡུལ༌ནེ༌ ཆ༌ མ༌ཅུགས༌།