14
1 ཏེ༌ནེ༌ ཡ༌ཝའེ༌ མོ༌ཟེས༌ལ༌ མོལས༌,
2 “ཨིས༌ར༌ཨེལ༌པ༌གུན༌ལ༌ ལོགས༌ཏེ༌ ཡོངས༌ཏེ༌ མིག༌དོལ༌ དང༌ ཚོའེ༌ པར༌ལ༌ པི༌ཧ༌ཧི༌རོཐ༌ གྲོང༌ཁྱེར༌རི༌ དུན༌ལ༌ ཀུར༌ ཙུགས༌ཏེ༌ དུག༌ ཟེར༌ ཀ༌བོ༌ བའལ༌ ཟེ༌ཕོན༌ གྲོང༌ཁྱེར༌རི༌ འ༌ངོ༌ ཆོགས༌ལ༌ ཡོད༌ཏེ༌ ཨིན༌ནོག༌།
3 གྱལ༌པོའེ༌ སམ༌ཨིན༌, ‘ཨིས༌ར༌ཨེལ༌པ༌གུན༌ ཐང༌སྟོང༌ངི༌ ནང༌ང༌ ཁད༌ཏེ༌ ཀ༌ངོའ༌ ཆ༌ཅེན༌ ཧ༌མ༌གོའ༌ ཁོར༌རད༌གྲོ༌།’
4 ངའེ༌ ཡང༌སྐྱར༌ ཁོའེ༌ སྙིང༌སྐྱོང༌པོ༌ ཅོ༌ཨིན༌ ཡང༌ ཁོའེ༌ ཁྱོ༌ཞ༌གུན༌ལ༌ རྡས༌ཏེ༌ ཁྱོང༌ཨིན༌, ཨིན༌ནའང༌ གྱལ༌པོ༌ དང༌ ཁོའེ༌ མག༌མི༌གུན༌ གྱུད༌ཏེ༌ ངའ༌ སྤལ༌ ཐོབ༌ཨིན༌ ཡང༌ ང༌ ཡ༌ཝ༌ ཨིན༌ཁན༌བོ༌ ཨི༌ཇིབ༌པ༌གུན༌ནི༌ ཤེས༌ཨིན༌།” ཨིས༌ར༌ཨེལ༌པ༌གུན༌ནི༌ ཁོང༌ངི༌ མོལ༌ཁན༌བོ༌ ཅོས༌།
5 ཨི༌ཇིབ༌བི༌ གྱལ༌པོའ༌ མི༌གུན༌ ཤོར༌ཏོག༌ ཟེར༌ཏེ༌ ཚོར༌ར༌ཅིག༌, ཁོ༌ དང༌ ཁོའེ༌ སྤོན༌བོ༌གུན༌ནི༌ སམ༌བ༌ གྱུར༌ཏེ༌ ཟེརས༌, “ང༌དང༌ངི༌ ཅི༌ ཅོས༌ཏེ༌ ཨིན༌ནོག༌? ང༌དང༌གུན༌ནི༌ ཨིས༌ར༌ཨེལ༌པ༌གུན༌ ཆ༌ཅུགས༌ཏེ༌ ང༌དང༌ངི༌ ཕིའ༌ ལས༌ ཅོ༌ཁན༌གུན༌ པུད༌ཏེ༌ ཨིན༌ནོག༌།”
6 ཏེ༌བོའེ༌ཕིའ༌ གྱལ༌པོའེ༌ ཁོ༌རང༌ངི༌ རྟ༌རེལ༌ གྲལ༌གྲིག༌ ཅོ༌ཅུགས༌ཏེ༌ མག༌མི༌གུན༌ ཁྲིད༌ཏེ༌ སོང༌།
7 ཁོའེ༌ ཚང༌མའེ༌སང༌ གྱལ༌ལ༌ རྟ༌རེལ༌ དྲུག༌རྒྱ༌ དང༌ ཨི༌ཇིབ༌བི༌ ཞན༌ རྟ༌རེལ༌ ཚང༌མ༌ ཁོང༌རང༌ ཉམ༌པོ༌ ཁྱེརས༌ ཀ༌གུན༌ནི༌ ནང༌ང༌ མག༌སྤོན༌ དང༌ ཞན༌ མག༌མི༌གུན༌ ཡོད༌པིན༌།
8 ཡ༌ཝའེ༌ གྱལ༌པོའེ༌ སྙིང༌སྐྱོང༌པོ༌ གྱུར༌ཅུག༌ག༌ ཛད༌ པ༌སང༌ ཁོའེ༌ ཨིས༌ར༌ཨེལ༌པ༌གུན༌ལ༌ རྡས༌ཏེ༌ ཁྱེརས༌ ཀ༌གུན༌ མ༌ ཧམ༌པ༌ ཉམ༌པོ༌ གྲུལ༌ཏེ༌ ཆའད༌པིན༌།
9 ཨི༌ཇིབ༌པ༌ རྟ༌རེལ༌ དང༌ རྟའེ༌ཀ༌ ཞོན༌ཁན༌ ཡང༌ མ༌ཞོན༌ཁན༌ནི༌ གྱལ༌པོའེ༌ མག༌མི༌ ཚང༌མའེ༌ ཨིས༌ར༌ཨེལ༌པ༌གུན༌ལ༌ རྡས༌ཏེ༌ ཁྱེརས༌ ཡང༌ བའལ༌ ཟེ༌ཕོན༌ གྲོང༌ཁྱེར༌རི༌ འ༌ངོ༌ ཆོགས༌ལ༌ ཚོའེ༌ ཐའ༌མ༌ པི༌ཧ༌ཧི༌རོཐ༌ གྲོང༌ཁྱེར༌རི༌ ཉེ༌མོའ༌ ཀུར༌ ཏངས༌ཏེ༌ དུག༌ཏེ༌ ཡོད༌སའེ༌ཀ༌ ཁོང༌གུན༌ ལེབ༌།
10 ཨིས༌ར༌ཨེལ༌པ༌གུན༌ནི༌ གྱལ༌པོ༌ དང༌ ཁོའེ༌ མག༌མི༌གུན༌ ཁོང༌གུན༌ ཆོགས༌ལ༌ ཡོང༌ང༌ ཐོང༌ང༌ཅིག༌ ཁོང༌གུན༌ སྲན༌ཏྲེ༌ ཇིགས༌ ཡང༌ ཡ༌ཝའ༌ རོགས༌ ཛད༌ཅེས༌ལ༌ ཞུས༌།
11 ཁོང༌གུན༌ནི༌ མོ༌ཟེས༌ལ༌ ཟེརས༌, “ང༌ཞ༌གུན༌ འི༌ ཐང༌སྟོང༌ངི༌ ནང༌ང༌ ཤི༌ཅུག༌ག༌ ཁྱོངས༌ཏེ༌ ཅི༌ ཨི༌ཇིབ༌བི༌ ནང༌ང༌ རོམ༌ཁང༌ངི༌ ས༌ཀྱད༌ མེད༌ཏེ༌ ཨིན༌ནོག༌ག༌? ཉེ༌རང༌ངི༌ ང༌ཞ༌གུན༌ ཨི༌ཇིབ༌ནེ༌ ཕིངས༌ཏེ༌ ཁྱོངས༌ཏེ༌ ཅི༌ ཅོས༌ཏེ༌ ཨིན༌?
12 ང༌ཞའེ༌ ཟེར༌ར༌ མེ༌རག༌ག༌ ང༌ཞའ༌ ཨི༌ཇིབ༌པ༌གུན༌ནི༌ ཡོག༌པོ༌ ཅོ༌ཨིན༌ དུག༌ཅུག༌། འི༌ ཐང༌སྟོང༌ངི༌ ནང༌ང༌ ཤིའ༌སང༌ ཨི༌ཇིབ༌པ༌གུན༌ལ༌ ཞབས༌ཏོག༌ ཅོ༌ཨིན༌ དུགས༌པིན༌ན༌ གྱལ༌།”
13 མོ༌ཟེས༌སི༌ ཁོང༌གུན༌ལ༌ ལན༌ཏངས༌, “ཇིགས༌ མ༌ཇིགས༌, ཁྱོ༌ཞ༌གུན༌ནི༌ སེམ༌སྟོབས༌ ཅོས༌ཏེ༌, དི༌རིང༌ ཡ༌ཝའེ༌ ཁྱོ༌ཞ༌གུན༌ ཀ༌ཟུག༌གི༌ ཨི༌ཇིབ༌པ༌གུན༌ནི༌ ཀ༌ནེ༌ སྐྱོབ༌བ༌ ཛད༌དུག༌ ལྟོས༌། དི༌རིང༌ ཐོང༌ཁན༌ནི༌ ཨི༌ཇིབ༌པ༌གུན༌ ཁྱོ༌ཞ༌གུན༌ནི༌ ཡང༌སྐྱར༌ མ༌ནེ༌ མི༌ཐོང༌།
14 ཡ༌ཝའེ༌ ཁྱོ༌ཞ༌གུན༌ནི༌ ཕིའ༌ ནོལ༌ལ༌ ཛད༌ཨིན༌། ཁྱོ༌ཞ༌གུན༌ ཅུབ༌ཅད༌ཏེ༌ ཞི༌དེའེ༌ ཉམ༌པོ༌ དུག༌།”
15 ཏེ༌ནེ༌ ཡ༌ཝའེ༌ མོ༌ཟེས༌ལ༌ མོལས༌, “ཁྱོ༌རང༌ངི༌ རོགས༌ ཅོ༌ཅེས༌ལ༌ ཅིའ༌ ཞུའད༌? མི༌གུན༌ལ༌ གྲུལ༌ཅེས༌ལ༌ ཟེར༌།
16 ཁྱོ༌རང༌ངི༌ བེར༌ཀ༌ སྟག༌ཏེ༌ རང༌ངི༌ ལག༌པ༌ ཚོའེ༌ཀ༌ སྐྱོང༌། ཏེ༌ནེ༌ ཆུ༌ བེ༌ཏེ༌ ཨིས༌ར༌ཨེལ༌པ༌གུན༌ ཚོའེ༌ སྐྱིལ༌ནེ༌ ས༌སྐམ༌པོའེ༌ ཀ༌ནེ༌ གྲུལ༌ཏེ༌ ཆེན༌།
17 ངའེ༌ ཨི༌ཇིབ༌པ༌གུན༌ནི༌ སྙིང༌སྐྱོང༌པོ༌ གྱུར༌ཅུགས༌ཏེ༌ ཁོང༌གུན༌ ཁྱོ༌ཞའེ༌ སྟིང༌རང༌ནེ༌ ཡོང༌ཅུག༌ཨིན༌, ཡང༌ གྱལ༌པོ༌ དང༌ ཁོའེ༌ མག༌མི༌, རྟ༌རེལ༌ དང༌ རྟའེ༌ཀ༌ ཞོན༌ཁན༌ དང༌ གྲུལ༌ཁན༌ ཚང༌མ༌ གྱུད༌ཏེ༌ ངའ༌ སྤལ༌ ཐོབ༌ཨིན༌།
18 གྱལ༌པོ༌, ཁོའེ༌ རྟ༌རེལ༌ དང༌ རྟའེ༌ཀ༌ ཞོན༌ཁན༌ གུན༌ གྱུད༌ཏེ༌ ངའ༌ སྤལ༌ ཐོབ༌བ༌ཅིག༌ ཨི༌ཇིབ༌པ༌གུན༌ནི༌ ང༌ ཡ༌ཝ༌ ཨིན༌ཁན༌བོ༌ ཤེས༌ཨིན༌།”
19 ཏེ༌ནེ༌ ཨིས༌ར༌ཨེལ༌པ༌གུན༌ནི༌ སྔུན༌སྔུན༌ལ༌ སྐྱོད༌ཁན༌ནི༌ དཀོན༌མཆོག༌གི༌ ཕོ༌ཉ༌བོ༌ ཁོང༌གུན༌ནི༌ ཇུག༌ག༌ སྐྱོད༌པ༌ སྲིན༌ནི༌ ཀ༌ཝ༌, དུན༌ནེ༌ སྐྱོད༌ཏེ༌ ཁོང༌གུན༌ནི༌ ཇུག༌ག༌
20 ཨི༌ཇིབ༌པ༌ མག༌མི༌གུན༌ དང༌ ཨིས༌ར༌ཨེལ༌པ༌གུན༌ནི༌ པར༌ལ༌ ཞུགས༌། སྲིན༌བོའེ༌ ཚན༌ གང༌པོ༌ ཨིས༌ར༌ཨེལ༌པ༌གུན༌ ཆོགས༌ལ༌ འོད༌ སལས༌ ཡང༌ ཨི༌ཇིབ༌པ༌གུན༌ ཆོགས༌ལ༌ མུན༌གྲིག༌ ཛདས༌། ཏེ༌བོའེ༌ཕིའ༌ ལྡལ༌དོ༌ ཉིས༌ཀོ༌ནེ༌ སུའང༌ ཅིག༌ དང༌ ཅིག༌གི༌ ཉེ༌མོའ༌ ཡོང༌ མ༌ཉན༌།
21 མོ༌ཟེས༌སི༌ ཁོ༌རང༌ངི༌ ལག༌པ༌ ཚོའེ༌ཀ༌ རྐྱངས༌ ཡང༌ ཡ༌ཝའེ༌ ཚན༌ གང༌པོ༌ ཤར༌ ཆོགས༌སི༌ ལུངས༌པོ༌ ཤེད༌ཅན༌ ཉམ༌པོ༌ ཚོའེ༌ ཆུ༌ གྱབ༌ལོག༌ག༌ ཁྱེར༌ར༌ ཛདས༌། གྱ༌ཚོ༌ བེ༌ཏེ༌ ས༌སྐམ༌པོ༌ བིང༌།
22 ཡང༌ ཨིས༌ར༌ཨེལ༌པ༌གུན༌ ས༌སྐམ༌པོའེ༌ ཀ༌ནེ༌ གྱ༌ཚོ༌ རྒལ༌ཏེ༌ སོང༌, ཁོང༌གུན༌ནི༌ ཆོགས༌ ཉིས༌ཀོའ༌ ཆུའི༌ རྩིག༌པ༌ ཡོད༌པིན༌།
23 ཨི༌ཇིབ༌པ༌གུན༌ནི༌ ཁོང༌གུན༌ལ༌ རྡས༌ཏེ༌ ཁྱོངས༌, གྱལ༌པོའེ༌ མག༌མི༌ རྟ༌ དང༌ རྟ༌རེལ༌ གུན༌ནི༌ཀ༌ ཞོན༌ཁན༌ ཚང༌མའ༌ ཚོའེ༌ ནང༌ང༌ ཁོང༌གུན༌ནི༌ གྱབ༌ནེ༌ ཡོངས༌།
24 ནམ༌ ལངས༌སི༌ སང༌ སྔུན༌ལ༌ ཡ༌ཝའེ༌ མེ༌ དང༌ སྲིན༌ནི༌ ཀ༌ཝའེ༌ ནང༌ནེ༌ ཐུར༌ལ༌ ཛིགས༌ཏེ༌ ཨི༌ཇིབ༌པ༌གུན༌ནི༌ ནང༌ང༌ ཇིགས༌ནང༌ དང༌ ཐེ༌ཚོམས༌ སྐྱེ༌ཅུག༌ག༌ ཛདས༌།
25 ཁོང༌ངི༌ ཁོང༌གུན༌ནི༌ རྟ༌རེལ༌ལི༌ ཁོར༌ལོ༌གུན༌ གད༌ཅུག༌ག༌ ཛདས༌པ༌ ཁོང༌གུན༌ལ༌ ཏེ༌གུན༌ སྲུལ༌ཅེས༌ལ༌ སྲན༌ཏྲེ༌ ནགས༌ ཐོང༌། ཨི༌ཇིབ༌པ༌གུན༌ནི༌ ཟེརས༌, “ང༌དང༌གུན༌ ཨིས༌ར༌ཨེལ༌པ༌གུན༌ནི༌ ཀ༌ནེ༌ ཤོར༌ཨིན༌ ཅིའ༌ཟེར༌ན༌ ཁོང༌གུན༌ནི༌ ཕིའ༌ ང༌དང༌གུན༌ནི༌ གྱབ༌གལ༌ལ༌ ཡ༌ཝའེ༌ ནོལ༌ལ༌ ཛད༌དུག༌།”
གྱལ༌པོའེ༌ མག༌མི༌གུན༌ ཆུའི༌ ནང༌ང༌ ནུབ༌ཏེ༌ ཤི༌།
14:26-31
26 ཡ༌ཝའེ༌ མོ༌ཟེས༌ལ༌ མོལས༌, “ཁྱོ༌རང༌ངི༌ ལག༌པ༌ ཚོའེ༌ཀ༌ སྐྱོང༌ ཏེ༌ནེ༌ ཆུ༌ ལོགས༌ཏེ༌ ཡོངས༌ཏེ༌ ཨི༌ཇིབ༌པ༌གུན༌, ཁོང༌གུན༌ནི༌ རྟ༌རེལ༌ དང༌ རྟའེ༌ཀ༌ ཞོན༌ཁན༌གུན༌ ཆུའི༌ ཀབ༌ཨིན༌།”
27 མོ༌ཟེས༌སི༌ ཁོ༌རང༌ངི༌ ལག༌པ༌ ཚོའེ༌ཀ༌ རྐྱངས༌ ཡང༌ ཉི༌མ༌ ཤར༌ ཟ༌ནེ༌ ཆུ༌ སྔུན༌ནི༌ མལ༌ལ༌ ལོགས༌ཏེ༌ སོང༌། ཨི༌ཇིབ༌པ༌གུན༌ནི༌ ཆུ༌ནེ༌ ཕི༌ལོག༌ག༌ ཤོར༌ཅེས༌སི༌ རྩོན༌གྲུས༌ ཅོས༌ ཨིན༌ནའང༌ ཡ༌ཝའེ༌ ཆུ༌ གྱབས༌ཏེ༌ ཁོང༌གུན༌ ཚོའེ༌ ནང༌ང༌ ནུབ༌ ཅུག༌ག༌ ཛདས༌།
28 ཆུ༌ ལོགས༌ཏེ༌ ཡོངས༌ ཡང༌ ཨིས༌ར༌ཨེལ༌པ༌གུན༌ནི༌ སྟིང༌རང༌ནེ༌ ཚོའེ༌ ནང༌ང༌ ཡོང༌ཁན༌ནི༌ གྱལ༌པོའེ༌ མག༌མི༌, རྟ༌རེལ༌ དང༌ རྟ༌ གུན༌ནི༌ཀ༌ ཞོན༌ཁན༌ ཡང༌ ཞན༌ ཚང༌མ༌ ཆུའི༌ ནང༌ང༌ ནུབ༌ཏེ༌ ཤི༌། ཁོང༌གུན༌ནི༌ ནང༌ནེ༌ ཅིག༌གའང༌ སོན༌ཏེའ༌ མ༌ལུས༌།
29 ཨིན༌ནའང༌ ཚོ༌ གྱུད༌ཏེ༌ ཨིས༌ར༌ཨེལ༌པ༌གུན༌ ས༌སྐམ༌པོའེ༌ ཀ༌ནེ༌ གྲུལ༌ཏེ༌ སོང༌, ཁོང༌གུན༌ནི༌ ཆོགས༌ ཉིས༌ཀོའ༌ ཆུའི༌ རྩིག༌པ༌ ཡོད༌པིན༌།
30 ཏེ༌ ཞག༌ག༌ ཡ༌ཝའེ༌ ཨིས༌ར༌ཨེལ༌པ༌གུན༌ ཨི༌ཇིབ༌པ༌གུན༌ནི༌ ཀ༌ནེ༌ སྐྱོབ༌བ༌ ཛདས༌, ཡང༌ ཨིས༌ར༌ཨེལ༌པ༌གུན༌ནི༌ ཨི༌ཇིབ༌པ༌ ཤི༌ཁན༌གུན༌ནི༌ རོ༌ ཚོའེ༌ ཐའ༌མའ༌ ཐོང༌།
31 ཨིས༌ར༌ཨེལ༌པ༌གུན༌ནི༌ ཡ༌ཝའེ༌ ཨི༌ཇིབ༌པ༌གུན༌ནི༌ གྱབ༌གལ༌ལ༌ ཁོང༌རང༌ངི༌ ཀྲག༌པོ༌ ཝང༌ ཀོལ༌ལ༌ ཐོང༌ཏེ༌ ཇིགས༌ དང༌ རྩི༌ཝའེ༌ ནང༌ང༌ ཁོང༌ དང༌ ཁོང༌ངི༌ ཞབས༌ཏོག༌པ༌ མོ༌ཟེས༌སི༌ཀ༌ ཏད༌པ༌ ཅོས༌།