14
སམ༌སོན༌ནི༌ བག༌སྟོན༌།
14:1-20
1 ཞག༌ཤིག༌ སམ༌སོན༌ ཏིམ༌ནཧའེ༌ ནང༌ང༌ ཡོད༌ཏུས༌ ཁོའ༌ ཕི༌ལིས༌ཏི༌པ༌ བུ༌མོ༌ཞིག༌ ལྡེ༌མོ༌ ཐོང༌།
2 ཁོ༌ ལོགས༌ཏེ༌ ཁང༌པ༌ ལེབ༌བ༌ཅིག༌ ཁོའེ༌ ཁོ༌རང༌ངི༌ ཕ༌མ༌གུན༌ལ༌ ཟེརས༌, “ཏིམ༌ནཧའེ༌ ནང༌ང༌ ངའ༌ ཕི༌ལིས༌ཏི༌པ༌ བུ༌མོ༌ཞིག༌ ལྡེ༌མོ༌ ཐོང༌, ཁོ༌ ང༌ ན༌མའ༌ ཁྱོང༌ང༌ ཛད༌།”
3 ཁོའེ༌ ཨ༌བ༌ དང༌ ཨ༌མའེ༌ ལན༌ཏངས༌, “ཅི༌ ང༌དང༌ངི༌ སྡེ༌ ཡ༌ ཨིས༌ར༌ཨེལ༌ གང༌པོའེ༌ ནང༌ང༌ ཁྱོ༌རང༌ ཐད༌ཁན༌ནི༌ བུ༌མོ༌ ཅིག༌གའང༌ མི༌དུག༌ག༌? ཅིའ༌ ཁྱོ༌རང༌ ཡ༌ཝའ༌ མ༌ཅོལ༌ཁན༌ ཕི༌ལིས༌ཏི༌པ༌གུན༌ནི༌ ཕྲོའ༌ ན༌མ༌ ཙལ༌ལ༌ སོང༌པིན༌?”
ཨིན༌ནའང༌ སམ༌སོན༌ནི༌ ཁོ༌རང༌ངི༌ ཨ༌བའ༌ ཟེརས༌, “ཏེན༌ན༌ བུ༌མོ༌བོ༌ ངའ༌ ན༌མ༌ ཁྱོང༌། ང༌ ཁོའ༌ ཐད༌ད༌ རག༌།”
4 ༼ཁོའེ༌ ཨ༌བ༌ དང༌ ཨ༌མ༌ འི༌བོ༌ ཡ༌ཝའེ༌ ཛད༌ཏེ༌ ཨིན༌ཁན༌བོ༌ ཧ༌ མ༌གོ༌, ཡ༌ཝའེ༌ ཨིས༌ར༌ཨེལ༌པ༌གུན༌ནི༌ཀ༌ ཝང༌ སྲུལ༌ཁན༌ ཕི༌ལིས༌ཏི༌པ༌གུན༌ལ༌ སམ༌སོན༌ གྱུད༌ཏེ༌ ནོལ༌ཅེས༌ལ༌ སྐབས༌ ཙལ༌ལ༌ ཛད༌ཏེ༌ ཨིན༌པིན༌།༽
5 སམ༌སོན༌ དང༌ ཁོའེ༌ ཕ༌མ༌གུན༌ ཐུར༌ལ༌ ཏིམ༌ནཧའ༌ ཆ༌ ཟ༌ནེ༌ ཏིམ༌ནཧའེ༌ རྒུན༌ཚས༌སི༌ དུན༌ལ༌ ལེབ༌བ༌ཅིག༌ ཧུན༌མེད༌ལ༌ ལྡན༌ཁན༌ སིང༌གེ༌ཞིག༌ སམ༌སོན༌ ཆོགས༌ལ༌ བང༌ ཁྱོངས༌།
6 ཏེ༌ནེ༌ ཁོ༌ ཡ༌ཝའེ༌ ཐུག༌ཉིད༌དི༌ ཤེད༌དི༌ གངས༌ཏེ༌ ཁོའེ༌ ཁོ༌རང༌ངི༌ ལག༌པ༌ ཉམ༌པོ༌ སིང༌གེ༌ ཁག༌ ཉིས༌སི༌ ནང༌ང༌ ཤགས༌ ཏངས༌། རི༌གུ༌ཞིག༌ ཤག༌ག༌ ཙོགས༌ལ༌ ཁོའེ༌ ཏེ༌བོ༌ མ༌ ལ༌མོ༌ ཉམ༌པོ༌ ཅོས༌། ཨིན༌ནའང༌ ཁོའེ༌ ཅོ༌ཁན༌བོ༌ ཁོ༌རང༌ངི༌ ཨ༌བ༌ ཡ༌ ཨ༌མ༌ མ༌ཤདས༌།
7 སམ༌སོན༌ ཏིམ༌ནཧའེ༌ ནང༌ང༌ ལེབ༌བ༌ཅིག༌ ཁོའེ༌ བུ༌མོ༌བོ༌ ཉམ༌པོ༌ སྤེ༌ར༌ ཏངས༌ ཡང༌ ཁོ༌ ཏེ༌ བུ༌མོའེ༌ཀ༌ སྲན༌ཏྲེ༌ ཐད༌།
8 ཏུས༌ བན༌ཤིག༌གི༌ སྟིང༌ནེ༌ སམ༌སོན༌ ཏིམ༌ནཧའ༌ བག༌སྟོན༌ ཅོའ༌ལ༌ ཡོང༌ ཟ༌ནེ༌ ལམ༌བར༌ལ༌ ཁོ༌, ཁོའེ༌ སད༌ཁན༌ནི༌ སིང༌གེ༌བོའ༌ ལྟའ༌ལ༌ སོང༌ ཡང༌ ཏེ༌ ནང༌ང༌ བུང༌ང༌གུན༌ནི༌ རང༌རྩི༌ རྩགས༌ཏེ༌ ཡོད༌ཁན༌བོ༌ ཐོང༌།
9 ཁོའེ༌ ཁོ༌རང༌ངི༌ ལག༌པ༌ ཉམ༌པོ༌ རང༌རྩི༌ ཁྱོངས༌ཏེ༌ གྲུལ༌ཨིན༌ ཟོས༌ ཡང༌ ཁོའེ༌ ཁོ༌རང༌ངི༌ ཨ༌བ༌ དང༌ ཨ༌མ༌ ཏངས༌པ༌ ཁོང༌གུན༌ནིའང༌ ཟོས༌། ཨིན༌ནའང༌ ཁོའེ༌ ཁོང༌གུན༌ལ༌ རང༌རྩི༌ སིང༌གེ༌ རོའེ༌ ནང༌ནེ༌ ཁྱོངས༌ཏེ༌ ཨིན༌ཁན༌བོ༌ མ༌ཤདས༌ །
10 སམ༌སོན༌ནི༌ ཨ༌བ༌ ཁོའེ༌ ན༌མའེ༌ ཁང༌པ༌ སོང༌ ཡང༌ སམ༌སོན༌ནི༌ ལུག༌སྲོལ༌ ནང༌ཞིན༌ ཏིམ༌ནཧའེ༌ ནང༌ང༌ ཞུ༌ནུ༌ བུ༌ཚ༌གུན༌ལ༌ གྲོན༌ ཏངས༌།
11 ཏིམ༌ནཧ༌པ༌གུན༌ནི ཏེ༌ གྲོན༌ནི༌ ནང༌ང༌ ཐུས༌ཏེ༌ ཁོའ༌ ཕྲོ༌པ༌ ཅོ༌ཅེས༌ལ༌ ཞུ༌ནུ༌ 30 ལྡམས༌།
12 སམ༌སོན༌ནི༌ ཁོང༌གུན༌ལ༌ ཟེརས༌, “ངའེ༌ ཁྱོ༌ཞའ༌ ཚོད༌ལེན༌ཞིག༌ ཏྲི༌ཨིན༌། ཀལ༌ཏེས༌ གྲོན༌ནི༌ ཞག༌པོ༌ རྡུན༌ནི༌ ནང༌ང༌ ཁྱོ༌ཞའེ༌ ཏེ༌བོའ༌ ལན༌ཏང༌ ཉན༌ན༌ ངའེ༌ ཁྱོ༌ཞ༌གུན༌ལ༌ ཀོས༌ ཇམ༌པོ༌ རིན༌ཅན༌ 30 དང༌ གའ༌སྟོན༌ལ༌ གོན༌ཅེས༌སི༌ ཀོས༌ལག༌ 30 ཏང༌ཨིན༌།
13 ཨིན༌ནའང༌ ཁྱོ༌ཞའ༌ ལན༌ ཏང༌ མ༌ཉན༌ན༌ ཁྱོ༌ཞའེ༌ ངའ༌ ཀོས༌ ཇམ༌པོ༌ རིན༌ཅན༌ 30 དང༌ གའ༌སྟོན༌ལ༌ གོན༌ཅེས༌སི༌ ཀོས༌ལག༌ 30 ཏང༌གོས༌།”
ཁོང༌གུན༌ནི༌ ཟེརས༌, “ཁྲིག༌ རག༌། ཚོད༌ལེན༌བོ༌ ཤོད༌, ང༌ཞའེ༌ ཉན༌ཨིན༌།”
14 ཏེ༌ནེ༌ ཁོའེ༌ ཟེརས༌,
“ཟའ༌ཁན༌ནི༌ ནང༌ནེ༌ ཟའ༌ཅེས༌ ཤིག༌།
ཤེད༌ཅན༌ནི༌ ནང༌ནེ༌ ངར༌མོ༌ བིང༌།”
ཞག༌མ༌ སུམ༌ ཁོང༌གུན༌ནི༌ ཏེ༌བོ༌ སེལ༌ཅེས༌སི༌ རྩོན༌གྲུས༌ ཅོས༌།
15 ཞག༌མ༌ ཞི༌པའེ༌ ཞག༌ག༌ ཁོང༌གུན༌ནི༌ སམ༌སོན༌ལ༌ ན༌མ༌ ཏྲིས༌ཁན༌ནི༌ བུ༌མོའ༌ ཟེརས༌, “གོབ༌སྐོར༌ཏེ༌ ཁྱོ༌རང༌ངི༌ མག༌པ༌ ཚོད༌ལེན༌ནི༌ ལན༌བོ༌ ཏྲིས༌ ཏེ༌མན༌ན༌ ང༌ཞའེ༌ ཁྱོ༌རང༌ དང༌ ཁྱོ༌རང༌ངི༌ ཨ༌བའེ༌ ནང༌ཚངས༌ མེའ༌ ཏུགས༌ཏེ༌ སད༌ཨིན༌། ཁྱོ༌རང༌ངི༌ ང༌ཞ༌གུན༌ བག༌སྟོན༌ནི༌ ནང༌ང༌ ཅོམ༌ཅེས༌ལ༌ བོད༌ པིན༌ན༌?”
16 ཏེ༌ནེ༌ སམ༌སོན༌ནི༌ ན༌མ༌ ཏྲིས༌ཁན༌ནི༌ བུ༌མོ༌ ངུ༌ཨིན༌ ཁོ༌ ཡོད༌ས༌ ཡོངས༌ཏེ༌ ཟེརས༌, “ཁྱོ༌རང༌ངི༌ ང༌ ཅེས༌པ༌ མ༌ཅོའ༌, ནཕ༌རད༌ ཅོས༌ཏེ༌ ཨིན༌ནོག༌། ཁྱོ༌རང༌ངི༌ ངའེ༌ མི༌གུན༌ལ༌ ཚོད༌ལེན༌ཞིག༌ ཏྲིས༌ཏོག༌ ཨིན༌ནའང༌ ཁྱོ༌རང༌ངི༌ ངའ༌ ཏེ༌བོའེ༌ ལན༌ མ༌ཤདས༌།”
ཁོའེ༌ ལན༌ཏངས༌, “ངའེ༌ ང༌རང༌ངི༌ ཨ༌བ༌ ཡ༌ ཨ༌མ༌ ཏེ༌བོའེ༌ ལན༌ མ༌ཤདས༌པིན༌། ཏེ༌ནེ༌ ངའེ༌ ཁྱོ༌རང༌ང༌ ཅིའ༌ ཤད༌ཨིན༌།”
17 ཏེ༌ནེ༌ བུ༌མོ༌ གའ༌སྟོན༌ནི༌ ཞག༌ རྡུན༌བོ༌ ངུ༌ཨིན༌ དུགས༌། ཞག༌མ༌ རྡུན༌པའེ༌ ཞག༌ག༌ སམ༌སོན༌ནི༌ ཁོའ༌ ལན༌བོ༌ ཤདས༌ ཅིའ༌ཟེར༌ན༌ ཁོའེ༌ ཞག༌ཏང༌ ཏྲི༌ཨིན༌ དུགས༌ཏེ༌ ཁོའ༌ སྣང༌ང༌ཚེར༌ ཅུགས༌། ཏེ༌ནེ༌ བུ༌མོའེ༌ ཚོད༌ལེན༌ནི༌ ཏོན༌བོ༌ ཞུ༌ནུ༌ གུན༌ལ༌ ཤདས༌།
18 ཞག༌མ༌ རྡུན༌པའེ༌ ཞག༌ག༌ ཉི༌མ༌ སྐྱོད༌དི༌ སང༌ སྔུན༌ལ༌, གྲོང༌ཁྱེར༌རི༌ ཞུ༌ནུ༌གུན༌ སམ༌སོན༌ ཡོད༌ས༌ ཡོངས༌ཏེ༌ ཟེརས༌,
“རང༌རྩི༌ སང༌ ངར༌མོ༌ ཅི༌ ཡོད༌?
སིང༌གེ༌ སང༌ ཤེད༌ཅན༌ སུ༌ ཨིན༌?”
སམ༌སོན༌ནི༌ ཁོང༌གུན༌ལ༌ ཟེརས༌,
“ཀལ༌ཏེས༌ ཁྱོ༌རང༌གུན༌ནི༌ ངའེ༌ ན༌མ༌ ཇིགས༌ནང༌ མ༌སྟན༌པིན༌ན༌
ཁྱོ༌ཞའ༌ འི༌བོའེ༌ ལན༌ མ༌ ཐོབ༌བ༌ ཡོད༌གྲོ༌།”
19 ཏེ༌ནེ༌ ཡ༌ཝའེ༌ ཐུག༌ཉིད༌དི༌ ཤེད༌དི༌ གངས༌ཏེ༌ ཁོ༌ ཐུར༌ལ༌ ཨཤ༌ཀེ༌ལོན༌ གྲོང༌ཁྱེར༌ལ༌ སོང༌ཏེ༌ བུ༌ཚ༌ སུམ༌ཅུ༌ སདས༌ ཡང༌ ཁོང༌གུན༌ གོན༌ཏེ༌ ཡོད༌ཁན༌གུན༌ པུད༌ཏེ༌ ཁྱོངས༌ ཡང༌ ཚོད༌ལེན༌ནི༌ ཏོན༌ ཤད༌ཁན༌ནི༌ ཞུ༌ནུ༌གུན༌ལ༌ ཁོང༌གུན༌ནི༌ ཀོས༌གུན༌ ཏངས༌། ཨིན༌ནའང༌ སམ༌སོན༌ལ༌ སྲན༌ཏྲེ༌ སྲོ༌ ཡོངས༌ ཡང༌ ཁོ༌ ཁོ༌རང༌ངི༌ ཨ༌བའེ༌ ཁང༌པ༌ ལོགས༌ཏེ༌ སོང༌།
20 ཡང༌ སམ༌སོན༌ལ༌ ན༌མ༌ ཏྲིས༌ཁན༌ནི༌ བུ༌མོ༌ ཁོའེ༌ ཛ༌འོ༌ ཉེ༌མོ༌བོའ༌ ན༌མ༌ ཏངས༌།