21
བེན༌ཡཱ༌མིན༌པ༌གུན༌ནི༌ ཕིའ༌ ན༌མ༌།
21:1-25
1 “ང༌དང༌གུན༌ནི༌ ནང༌ནེ༌ སུ༌ཞིག༌གིའང༌ ང༌དང༌ངི༌ བུ༌མོ༌ བེན༌ཡཱ༌མིན༌པ༌གུན༌ལ༌ ན༌མ༌ མི༌ཏང༌” ཟེར༌ཏེ༌ ཨིས༌ར༌ཨེལ༌པ༌གུན༌ནི༌ མིཟ༌པཧའེ༌ ནང༌ང༌ ནའ༌ ཁུར༌ཏེ༌ ཨིན༌པིན༌།
2 ཁོང༌གུན༌ བེ༌ཐེལ༌ལ༌ སོང༌ཏེ༌ དཀོན༌མཆོག༌གི༌ སྐུན༌དུན༌ལ༌ ཕི༌ཏོག༌ ཚོག༌པ༌ སྲན༌ཏྲེ༌ ངུ༌ཨིན༌ ཞུས༌,
3 “ཨིས༌ར༌ཨེལ༌ལི༌ དཀོན༌མཆོག༌ ཡ༌ཝ༌ལེ༌, ང༌ཞ༌གུན༌ནི༌ཀ༌ འི༌བོ༌ ཅི༌ ཇུངས༌ཏེ༌ ཨིན༌ནོག༌? དི༌རིང༌ ཨིས༌ར༌ཨེལ༌པ༌གུན༌ནི༌ ཕྲོ༌ནེ༌ སྡེ༌ ཅིག༌ སྟོར༌ཏེ༌ ཨིན༌ནོག༌?”
4 ཐོ༌རེ༌ཟུག༌པོ༌ ང༌མོ༌ མི༌གུན༌ནི༌ ཆོད༌ཁྲི༌ཞིག༌ རྩིགས༌ ཡང༌ ཏེ༌ཀ༌ མེའ༌ སྲག༌ཅེས༌སི༌ ཆོད༌པ༌ དང༌ ཐུན༌བྲེལ༌ལི༌ ཆོད༌པ༌ ཕུལས༌།
5 ཏེ༌ནེ༌ ཨིས༌ར༌ཨེལ༌པ༌གུན༌ནི༌ ཏྲིས༌, “ཡ༌ཝའེ༌ སྐུན༌དུན༌ལ༌ ཨིས༌ར༌ཨེལ༌པའེ༌ སྡེ༌ ཚང༌མའེ༌ ནང༌ནེ༌ ཀ༌བོ༌ མ༌ཛོམ༌མ༌ ཨིན༌ནོག༌?” ཅིའ༌ཟེར༌ན༌ ཡ༌ཝའེ༌ སྐུན༌དུན༌ལ༌ མ༌ཛོམ༌ཁན༌གུན༌ སད༌ཨིན༌ ཟེར༌ཏེ༌ ཁོང༌གུན༌ནི༌ མིཟ༌པཧའེ༌ ནང༌ང༌ ནའ༌ ཁུར༌ཏེ༌ ཨིན༌པིན༌།
6 ཏ༌ ཨིས༌ར༌ཨེལ༌པ༌གུན༌ནི༌ ཁོང༌རང༌གུན༌ནི༌ སྤུན༌ བེན༌ཡཱ༌མིན༌པ༌གུན༌ནི༌ ཕིའ༌ ཉ༌ངན༌ ཅོས༌ཏེ༌ ཟེརས༌, “དི༌རིང༌ ཨིས༌ར༌ཨེལ༌པ༌གུན༌ནི༌ ནང༌ནེ༌ མི༌སྡེ༌ ཅིག༌ མེད༌ཁན༌ སོང༌ཏེ༌ ཨིན༌ནོག༌།
7 ཏ༌ ལུས༌ཏེ༌ ཡོད༌ཁན༌ བེན༌ཡཱ༌མིན༌པ༌གུན༌ནི༌ ཕིའ༌ ན༌མ༌ ཀ༌ནེ༌ ཙལ༌ཨིན༌ ཅིའ༌ཟེར༌ན༌ ང༌དང༌གུན༌ནི༌ ང༌དང༌ངི༌ བུ༌མོ༌གུན༌ ཁོང༌གུན༌ལ༌ ན༌མ༌ མི༌ཏང༌ ཟེར༌ཏེ༌ ཡ༌ཝའེ༌ སྐུན༌དུན༌ལ༌ ནའ༌ ཁུར༌ཏེ༌ ཨིན༌ནོག༌།”
8 ཏེ༌ནེ༌ ཁོང༌གུན༌ནི༌ ཏྲིས༌, “ཡ༌ཝའེ༌ སྐུན༌དུན༌ལ༌ ཨིས༌ར༌ཨེལ༌པའེ༌ སྡེ༌ ཚང༌མའེ༌ ནང༌ནེ༌ ཀ༌བོ༌ མ༌ཛོམ༌མ༌ ཨིན༌ནོག༌?” ཀུར༌ ཙུགས༌ཏེ༌ ཛོམས༌ཏེ༌ ཡོད༌ས༌ ཡ༌བེཤ༌ གི༌ལེད༌ནེ༌ སུ༌ཞིག༌གའང༌ མ༌ཡོང༌ཁན༌བོ༌ ཁོང༌གུན༌ལ༌ གྱུས༌སོང༌
9 ཅིའ༌ཟེར༌ན༌ མི༌ རྩིས༌ ཏང༌ ཟ༌ནེ༌ ཡ༌བེཤ༌ གི༌ལེད༌ནེ༌ སུའང༌ ཏེ༌རུ༌ ཡོངས༌ཏེ༌ མེད༌པིན༌།
10 ཏེ༌བོའེ༌ཕིའ༌ ཛོམས༌ཏེ༌ ཡོད༌ཁན༌གུན༌ནི༌ ཁོང༌གུན༌ནི༌ ཕྲོ༌ནེ༌ ནོལ༌ཁན༌ ཀྲག༌པོ༌ 12,000 ལབ༌ཞ༌ ཏངས༌ཏེ༌ བུ༌མོ༌ དང༌ ཕྲུ༌གུ༌གུན༌ ཐེས༌ཏེ༌ ཡ༌བེཤ༌ གི༌ལེད༌དི༌ ནང༌ང༌ དུག༌ཁན༌གུན༌ ར༌འི༌ ཉམ༌པོ༌ སད༌ཅེས༌ལ༌ ལམ༌ཅུག༌
11 ཡང༌ ཟེརས༌, “ཁྱོ༌ཞ༌གུན༌ནི༌ འི༌བོ༌ ཅོ༌གོས༌, བུ༌ཚ༌ དང༌ ན༌མ༌ ཅོ༌ཁན༌ནི༌ བུ༌མོ༌ ཚང༌མ༌ སོད༌ ཨིན༌ནའང༌ ན༌མ༌ མ༌ཅོ༌ཁན༌ བུ༌མོ༌གུན༌ མ༌སད༌ད༌ སོན༌ཏེའ༌ བོར༌།”
12 ཁོང༌གུན༌ལ༌ ཡ༌བེཤ༌ གི༌ལེད༌དི༌ ནང༌ང༌ དུག༌ཁན༌གུན༌ནི༌ ཕྲོའ༌ བུ༌ཚ༌ ཉམ༌པོ༌ ལུས༌བྲེལ༌ མ༌ཅོ༌ཁན༌ནི༌ ན༌ཆུང༌ 400 ཐོབ༌ ཡང༌ ཁོང༌གུན༌ནི༌ ཏེ༌ བུ༌མོ༌གུན༌ ཀེ༌ནན༌ ཡུལ༌ཇོངས༌སི༌ ཤི༌ལོཧའེ༌ ནང༌ང༌ ཀུར༌ ཙུགས༌ཏེ༌ དུགས༌ས༌ ཁྲིད༌ཏེ༌ ཁྱོངས༌།
13 ཏེ༌རུ༌ ཛོམས༌ཏེ༌ ཡོད༌ཁན༌ ཚང༌མའེ༌ རིམ༌མོན༌ནི༌ བྲག༌གི༌ ནས༌སའ༌ བེན༌ཡཱ༌མིན༌པ༌གུན༌ལ༌ ཞི༌དེ༌ ཐུན༌བྲེལ༌ ཅོ༌ཅེས༌ལ༌ ལོན༌ ཀལས༌།
14 ཏེ༌ནེ༌ བེན༌ཡཱ༌མིན༌པ༌གུན༌ ལོགས༌ཏེ༌ ཡོངས༌ ཡང༌ ཨིས༌ར༌ཨེལ༌པ༌གུན༌ནི༌ ཡ༌བེཤ༌ གི༌ལེད༌ནེ༌ མ༌ སད༌ད༌ ཁྱོང༌ཁན༌ ན༌ཅུང༌གུན༌ ཁོང༌གུན༌ལ༌ ན༌མ༌ ཏངས༌། ཨིན༌ནའང༌ ཁོང༌ ཚང༌མའེ༌ ཕིའ༌ དྲན༌དྲ༌ མ༌སོང༌།
15 ཡ༌ཝའེ༌ ཨིས༌ར༌ཨེལ༌ལི༌ མི༌སྡེ༌གུན༌ནི༌ ནང༌ང༌ པར༌ ཕེའ༌ ཛད༌ པ༌སང༌ ཁོང༌གུན༌ནི༌ བེན༌ཡཱ༌མིན༌པ༌གུན༌ནི༌ ཕིའ༌ ཉ༌ངན༌ ཅོས༌།
16 ཡང༌ ཛོམས༌ཏེ༌ ཡོད༌ཁན༌ནི༌ འུ༌སྐྱོང༌གུན༌ནི༌ ཟེརས༌, “བེན༌ཡཱ༌མིན༌པ༌ བུ༌མོ༌ ཚང༌མ༌ སད༌ པ༌སང༌ ཏ༌ ལུས༌ཁན༌ འི༌ བུ༌ཚ༌གུན༌ནི༌ ཕིའ༌ ང༌དང༌ངི༌ ན༌མ༌ ཀ༌ནེ༌ ཁྱོང༌ཨིན༌?
17 ཨིས༌ར༌ཨེལ༌པའེ༌ མི༌སྡེ༌ ཅིག༌གའང༌ སྟོར༌ མི༌སྟོར༌ཅེས༌ལ༌ བེན༌ཡཱ༌མིན༌པ༌ སོན༌ཏེའ༌ ལུས༌ཁན༌གུན༌ལ༌ པུར༌གྱུད༌ ཡོང༌གོས༌།
18 ‘བེན༌ཡཱ༌མིན༌པ༌གུན༌ལ༌ བུ༌མོ༌ ན༌མ༌ ཏང༌ཁན༌གུན༌ལ༌ ངན༌ ཕོག༌ཤིག༌’ ཟེར༌ཏེ༌ ང༌དང༌ ཨིས༌ར༌ཨེལ༌པ༌གུན༌ནི༌ ནའ༌ ཁུར༌ཏེ༌ ཨིན༌ པ༌སང༌ ང༌དང༌གུན༌ནི༌ ཁོང༌གུན༌ལ༌ ང༌དང༌ངི༌ བུ༌མོ༌གུན༌ ན༌མ༌ ཏང༌ མི༌ཉན༌།
19 ཨིན༌ནའང༌ ལྟོས༌སའང༌, བེ༌ཐེལ༌ལི༌ བྱང༌ ཆོགས༌ ཡང༌ བེ༌ཐེལ༌ནེ༌ ཤེ༌ཀེམ༌མ༌ ཆའ༌ཁན༌ ཤར༌ ཆོགས༌སི༌ ལམ༌ ཡང༌ ལེ༌བོ༌ནཧའེ༌ ལྷོ༌ ཆོགས༌ལ༌ ཡོད༌ཁན༌ ཤི༌ལོཧའེ༌ ནང༌ང༌ ཡ༌ཝའེ༌ ཕིའ༌ ལོ༌ཞུང༌ རྩི༌ཁན༌ གའ༌སྟོན༌ དག༌ས༌ རྩི༌ཨིན༌ ཨིན༌ནོག༌།”
20 ཏེ༌ནེ༌ ཁོང༌གུན༌ནི༌ བེན༌ཡཱ༌མིན༌པ༌གུན༌ལ༌ ལབ༌ཞ༌ ཏངས༌ཏེ༌ ཟེརས༌, “སོང༌ ཡང༌ རྒུན༌ཚས༌གུན༌ནི༌ ནང༌ང༌ ཨིབས༌ཏེ༌ སྲུང༌
21 ཡང༌ ལྟོས༌། ཤི༌ལོཧ༌པ༌ བུ༌མོ༌གུན༌ རྩེས༌སི༌ ནང༌ང༌ ཁག༌ ལེན༌ན༌ལ༌ བིངས༌ཏེ༌ ཡོང༌ང༌ཅིག༌, རྒུན༌ཚས༌སི༌ ནང༌ནེ༌ གྱོགས༌པ༌ བིང༌ཏེ༌ ཁྱོ༌ཞའེ༌ ཤི༌ལོཧ༌པ༌ བུ༌མོ༌ རེ༌རེ༌ ཟུམས༌ཏེ༌ ན༌མ༌ ཅོའ༌ལ༌ ཁྱོང༌ ཡང༌ བེན༌ཡཱ༌མིན༌ནི༌ ས༌ཆ༌ སོང༌།
22 ཀལ༌ཏེས༌ ཁོང༌གུན༌ནི༌ ཨ༌བ༌ ཡ༌ ཨ༌ཅོ༌ནོ༌ ང༌ཞ༌གུན༌ནི༌ཀ༌ སྐྱོན༌རྗོད༌ ཅོའ༌ ཡོང༌ན༌ ང༌ཞའེ༌ ཟེར༌ཨིན༌, ‘ཁོང༌གུན༌ལ༌ རོགས༌ ཅོས༌ཏེ༌ ང༌ཞ༌གུན༌ལ༌ ཐུག༌རྗེ༌ ཛད༌ ཅིའ༌ཟེར༌ན༌ མག༌གི༌ ནང༌ང༌ ང༌ཞའ༌ ཁོང༌ ཚང༌མའེ༌ ཕིའ༌ ན༌མ༌ མ༌ཐོབ༌ ཡང༌ ཁྱོ༌ཞ༌གུན༌ནི༌ རང༌ངི༌ བུ༌མོ༌ ཁོང༌གུན༌ལ༌ ན༌མ༌ མ༌ཏངས༌ པ༌སང༌ ཁྱོ༌ཞའ༌ ནའ༌ ཁུར༌ཁན༌བོ༌ ཅག༌ཅེས༌སི༌ ནང༌ང༌ མ༌གལ༌ལ༌ ཨིན༌ནོག༌།’ ”
23 ཏེ༌ནེ༌ བེན༌ཡཱ༌མིན༌པ༌གུན༌ནི༌ ལབ༌ཞ༌ ཏང༌ཁན༌ ནང༌ཞིན༌ ཅོས༌, བུ༌མོ༌གུན༌ རྩེ༌ཨིན༌ ཡོད༌ ཟ༌ནེ༌ ཁོང༌ རེ༌རེ༌ བུ༌མོ༌ རེ༌རེ༌ ཟུམས༌ཏེ༌ ན༌མ༌ ཅོའ༌ལ༌ ཁྱོངས༌། ཁོང༌གུན༌ ཁོང༌རང༌གུན༌ལ༌ ནོར༌སྐལ༌ལ༌ ཐོབ༌ཁན༌ནི༌ ས༌ཀྱད༌ལ༌ ལོགས༌ཏེ༌ སོང༌ ཡང༌ གྲོང༌ཁྱེར༌བོ༌ ཡང༌སྐྱར༌ རྩིགས༌ཏེ༌ ཏེ༌རུ༌ ཚུགས༌ཏེ༌ དུགས༌།
24 ཏེ༌ནེ༌ ཨིས༌ར༌ཨེལ༌པ༌གུན༌ ཏེ༌ ནས༌ས༌ནེ༌ ལོགས༌ཏེ༌ ཁང༌པ༌ ནོར༌སྐལ༌ལ༌ ཐོབ༌ཁན༌ནི༌ ས༌ཀྱད༌ ཁོང༌རང༌གུན༌ནི༌ མི༌སྡེ༌ དང༌ མི༌རིགས༌གུན༌ ཡོད༌ས༌ སོང༌།
25 ཏེ༌ ཏུས༌ ཨིས༌ར༌ཨེལ༌པ༌གུན༌ལ༌ གྱལ༌པོ༌ མེད༌པིན༌, ཚང༌མའེ༌ རང༌རང༌ ཐད༌ཁན༌བོ༌ ཅོའད༌པིན༌།