15
ཡ༌ཧུ༌དཱ༌ མི༌སྡེའ༌ ཏང༌ཁན༌ནི༌ ས༌ཀྱད༌།
15:1-12
1 ཡ༌ཧུ༌དཱ༌ སྡེའེ༌ མིར༌གྱུད༌གུན༌ལ༌ ས༌ཀྱད༌ ཏངས༌ཁན༌བོ༌ ལྷོ༌ ཆོགས༌ལ༌ ཨི༌དོམ༌མི༌ སན༌ཚམས༌, ཟིན༌ནི༌ ཐང༌སྟོང༌ ཚོག༌པ༌ ཨིན༌པིན༌།
2 ཁོང༌གུན༌ནི༌ ལྷོ༌ ཆོགས༌སི༌ སན༌ཚམས༌པོ༌ ཚོ༌རུལ༌ལི༌ ལྷོ༌ ཆོགས༌སི༌ ཇུག༌ནེ༌ གོ༌ཟུགས༌ཏེ༌
3 སྡིག༌པ༌རཱ༌ཙེ༌ ལའེ༌ ལྷོ༌ ཆོགས༌ གྱུད༌ཏེ༌ ཟིན༌ནི༌ ཐང༌སྟོང༌ནེ༌ ཀ༌དེཤ༌ བར༌ནེའེ༌ ལྷོ༌ ཆོགས༌ ཡང༌ ཧེཟ༌རོན༌ གྱུད༌ཏེ༌ ཀེན༌ལ༌ ཨད༌དར༌ ཚོག༌པ༌ ལེབ༌ཏེ༌ ཀར༌ཀ༌ ཆོགས༌ལ༌ ཀྱོགས༌།
4 ཏེ༌ཀ༌ནེ༌ ཨཟ༌མོན༌ གྱུད༌ཏེ༌ ཨི༌ཇིབ༌བི༌ སན༌ཚམས༌སི༌ ཀྲོག༌པོའ༌ ཐུད༌ཏེ༌ མེ༌གྲི༌ཀྲེ༌རིའན༌ནི༌ ཚོ༌ ཚོག༌པ༌ ལེབ༌, ཏེ༌བོ༌ ཁོང༌གུན༌ནི༌ ལྷོ༌ ཆོགས༌སི༌ སན༌ཚམས༌ ཨིན༌པིན༌།
5 ཤར༌ ཆོགས༌སི༌ སན༌ཚམས༌པོ༌ རུལ༌ཁན༌ནི༌ ཚོ༌, ཡོར༌དཱན༌ ལྩངས༌པོའེ༌ ཁའ༌ ཚོག༌པ༌ ཨིན༌པིན༌། བྱང༌ ཆོགས༌སི༌ སན༌ཚམས༌པོ༌ རུལ༌ཁན༌ནི༌ ཚོ༌, ཡོར༌དཱན༌ ལྩངས༌པོའེ༌ ཁའེ༌ ཀ༌ནེ༌ གོ༌ཟུགས༌ཏེ༌
6 ཀེན༌ལ༌ བེཐ༌ ཧོག༌ལཧ༌ གྲོང༌ཁྱེར༌ ཚོག༌པ༌ ཡང༌ བེཐ༌ ཨ༌ར༌བཧ༌ གྲོང༌ཁྱེར༌རི༌ བྱང༌ ཆོགས༌ནེ༌ རུ༌བེན༌ནི༌ བུ༌ཚ༌ བོ༌ཧན༌ནི༌ རྡོའ༌ ཚག༌པ༌ ཨིན༌པིན༌།
7 ཏེ༌ནེ༌ ཨ༌ཁོར༌རི༌ ལུང༌པ༌ནེ༌ དེ༌བིར༌ ཚོག༌པ༌, བྱང༌ ཆོགས༌སི༌ གིལ༌གལ༌ གྱལ༌ས༌ ཆོགས༌ལ༌ ཀྱོགས༌ཏེ༌ ཀ༌བོ༌ ལུང༌པའེ༌ ལྷོ༌ ཆོགས༌ལ༌ ཨ༌གྲུམ༌མིམ༌ ཁྲེད༌དི༌ འ༌ངོ༌ ཆོགས༌ལ༌ ཡོད༌། ཏེ༌ཀ༌ནེ༌ སན༌ཚམས༌པོ༌ ཨེན༌ ཤེ༌མེཤ༌ ཆུ༌མིག༌ གྱུད༌ཏེ༌ ཨེན༌ རོ༌གེལ༌ ཚོག༌པ༌,
8 ཏེ༌ནེ༌ ཏེ༌བོ༌ བེན༌ ཧིན༌ནོམ༌མི༌ ལུང༌པ༌ གྱུད༌ཏེ༌, ཡེ༌བས༌ ཡང༌ན༌ ཡེ༌རུ༌ཤ༌ལེམ༌མི༌ གྱལ༌སའེ༌ ལྷོ༌ ཆོགས༌སི༌ ཁྲེད༌ གྱུད༌ཏེ༌ ཀེན༌ལ༌ ཧིན༌ནོམ༌མི༌ ལུང༌པའེ༌ ནུབ༌ ཆོགས༌སི༌ རིའི༌ གོ༌, རེ༌ཕ༌འིམ༌མི༌ ལུང༌པའེ༌ བྱང༌ ཆོགས༌སི༌ ཇུག༌ ཚོག༌པ༌ ཨིན༌པིན༌།
9 སན༌ཚམས༌པོ༌ ཏེ༌ རི༌གོ༌ནེ༌ ནེཕ༌ཏོ༌འཧའེ༌ ཆུ༌མིག༌ ཚོག༌པ༌ ཡང༌ ཏེ༌ཀ༌ནེ༌ ཨེ༌ཕོ༌རོན༌ རི༌ གྲོང༌ཁྱེར༌གུན༌ ཚོག༌པ༌། ཏེ༌ནེ༌ བའ༌ལཧ༌ ཆོགས༌ལ༌ ཀྱོགས༌ ཀ༌བོ༌ ཀི༌རི༌འཐ༌ ཡེ༌རིམ༌ ཨིན༌པིན༌།
10 བའ༌ལཧ༌ ནེ༌ ནུབ༌ ཆོགས༌ལ༌ ཀྱོགས༌ཏེ༌ སེ༌འིར༌ རི༌ གྱུད༌ཏེ༌ ཡེ༌རིམ༌ རི༌ བྱང༌ ཆོགས༌སི༌ ཁྲེད༌ ཚོག༌པ༌ ༼ཀ༌བོའ༌ དག༌ས༌ རི༌ ཀེ༌ས༌ལོན༌ ཟེར༌ར༌ནོག༌༽ ཡང༌ ཐུར༌ལ༌ བེཐ༌ ཤེ༌མེཤ༌ གྱལ༌ས༌ ནེ༌ ཏིམ༌ནཧ༌ གྱལ༌ས༌ ཚོག༌པ༌ ཨིན༌ནོག༌།
11 སན༌ཚམས༌པོ༌ ཨེཀ༌རོན༌ གྱལ༌སའེ༌ བྱང༌ ཆོགས༌སི༌ རི༌ ཁྲེད༌ ནེ༌ ཤིཀ༌ཀི༌རོན༌ གྲོང༌ཁྱེར༌ ཆོགས༌ལ༌ ཀྱོགས༌ ཡང༌ རི༌ བའ༌ལཧ༌ གྱུད༌ཏེ༌ ཡབ༌ནེལ༌ གྲོང༌ཁྱེར༌ ཚག༌པ༌ ལེབ༌ཏེ༌ མེ༌གྲི༌ཀྲེ༌རིའན༌ནི༌ ཚོའེ༌ཀ༌ ཚར༌།
12 ནུབ༌ ཆོགས༌སི༌ སན༌ཚམས༌པོ༌ མེ༌གྲི༌ཀྲེ༌རིའན༌ནི༌ ཚོའེ༌ ཐའ༌མ༌གུན༌ ཨིན༌ནོག༌།
ཡ༌ཧུ༌དཱ༌ སྡེའེ༌ མི༌རིགས༌གུན༌ནི༌ སན༌ཚམས༌ ཏེ༌གུན༌ ཨིན༌ནོག༌།
ཀེ༌ལེབ༌བ༌ ཏང༌ཁན༌ནི༌ ས༌ཀྱད༌།
15:13-19
13 ཡ༌ཝའེ༌ བཀའ༌ ནང༌ཞིན༌ ཡོ༌ཤུའེ༌ ཀེ༌ལེབ༌བ༌ ཡ༌ཧུ༌དཱ༌ མི༌སྡེའེ༌ ས༌ཀྱད༌དི༌ ཁག༌ཤིག༌ ཏངས༌། ཏེ༌བོ༌ ཀི༌རི༌འཐ༌ ཨར༌བའ༌ ཡང༌ན༌ ཧེབ༌རོན༌ གྱལ༌ས༌ ཨིན༌ནོག༌། ༼ཨར༌བའ༌ ཨ༌ནཀ༌པའེ༌ ཕ༌མེས༌པོ༌ ཞིག༌ ཨིན༌ནོག༌།༽
14 ཀེ༌ལེབ༌བི༌ ཧེབ༌རོན༌ནི༌ ནང༌ནེ༌ ཨ༌ནཀ༌པ༌ སྡེ༌ སུམ༌ ཕིངས༌, ཁོང༌གུན༌ ཨ༌ནཀ༌པའེ༌ པུར༌གྱུད༌ ཤེ༌ཤཱའི༌, ཨ༌ཧི༌མན༌ དང༌ ཏལ༌མཱའི༌ གུན༌ ཨིན༌པིན༌།
15 ཏེ༌ཀ༌ནེ༌ ཁོ༌ དེ༌བིར༌རི༌ གྱལ༌སའེ༌ ནང༌ང༌ དུག༌ཁན༌གུན༌ལ༌ ནོལ༌ལ༌ སོང༌ ༼ཏེ༌བོའ༌ སྔུན༌ལ༌ ཀི༌རི༌འཐ༌ སེ༌ཕེར༌ ཟེར༌རད༌པིན༌།༽
16 ཀེ༌ལེབ༌བི༌ ཟེརས༌, “ཀི༌རི༌འཐ༌ སེ༌ཕེར༌ལ༌ སྤུང༌གོལ༌ ཅོས༌ཏེ༌ ང༌ཡོག༌ག༌ ཁྱོང༌ཁན༌ནི༌ མི༌བོའ༌ ངའེ༌ ང༌རང༌ངི༌ བུ༌མོ༌ ཨཀ༌སཧ༌ ན༌མ༌ ཏང༌ཨིན༌།”
17 ཀེ༌ལེབ༌བི༌ ནོ༌ ཀེ༌ནཟ༌ཟི༌ བུ༌ཚ༌ ཨོཐ༌ནི༌འེལ༌ལི༌ ཏེ༌བོ༌ ང༌ཡོག༌ག༌ ཁྱོངས༌པ༌ ཀེ༌ལེབ༌བི༌ ཁོ༌རང༌ངི༌ བུ༌མོ༌ ཨཀ༌སཧ༌ ཁོའ༌ ན༌མ༌ ཏངས༌།
18 ན༌མ༌ ཅོས༌ཏེ༌ སྟིང༌ནེ༌ ཨོཐ༌ནི༌འེལ༌ལི༌ ཨཀ༌སཧ༌ ཨ༌བ༌ ཀེ༌ལེབ༌བ༌ ཞིང༌ ཏོང༌ ཟེར༌ ཅུགས༌། ཏེ༌ནེ༌ ཨཀ༌སཧ༌ ཁོ༌རང༌ངི༌ ཨ༌བའ༌ སྤེ༌ར༌ ཏང༌ང༌ སོང༌ ཡང༌ ཁོ༌ བུང༌བུའི༌ ཀ༌ནེ༌ བབ༌བ༌ཅིག༌ ཀེ༌ལེབ༌བི༌ ཏྲིས༌, “ངའེ༌ ཁྱོ༌རང༌ངི༌ ཕིའ༌ ཅི༌ ཅོ༌?”
19 ཁོའེ༌ ཟེརས༌, “ཉེ༌རང༌ངི༌ ནེ༌གེཝ༌ཝི༌ ས༌ཀྱད༌ ངའ༌ ཏངས༌ཏེ༌ ཨིན༌ནོག༌ ཏ༌ ཇུ༌ཇུ༌ ངའ༌ ཆུ༌མིག༌གི༌ ཆུའང༌ སལ༌ ལེ༌།” ཏེ༌ནེ༌ ཀེ༌ལེབ༌བི༌ ཁོའ༌ ཧེབ༌རོན༌ནི༌ ཉེ༌མོའ༌ ཡོད༌ཁན༌ སྟག༌ཡོག༌ ཉིས༌ཀའེ༌ ཆུ༌མིག༌གུན༌ ཏངས༌།
ཡ༌ཧུ༌དཱ༌ མི༌སྡེའ༌ ཏང༌ཁན༌ནི༌ གྲོང༌ཁྱེར༌གུན༌།
15:20-63
20 འི༌གུན༌ ཡ༌ཧུ༌དཱ༌ སྡེའེ༌ མི༌རིགས༌ རེ༌རེའ༌ ནོར༌སྐལ༌ལ༌ ཏང༌ཁན༌ནི༌ ས༌ཀྱད༌ ཨིན༌ནོག༌:
21 ཨི༌དོམ༌མི༌ སན༌ཚམས༌སི༌ ཉེ༌མོའ༌ ཚང༌མའེ༌སང༌ ལྷོ༌ ཆོགས༌སི༌ ཡ༌ཧུ༌དཱའེ༌ གྲོང༌ཁྱེར༌གུན༌ ནི༌ ཀབ༌ཟེའེལ༌, ཨེ༌དེར༌ དང༌ ཡ༌གུར༌,
22 ཀི༌ནཧ༌, དི༌མོ༌ནཧ༌, ཨ༌ད༌དཧ༌,
23 ཀེ༌དེཤ༌, ཧ༌ཟོར༌, ཨིཐ༌ནན༌,
24 ཟིཕ༌, ཏེ༌ལེམ༌, བེའ༌ལོཐ༌,
25 ཧ༌ཟོར༌ ཧ༌དཏ༌ཏཧ༌, ཀེ༌རི༌འོཐ༌ ཧེཟ༌རོན༌ ༼ཡང༌ན༌ ཧ༌ཟོར༌༽,
26 ཨ༌མམ༌, ཤེ༌མ༌, མོ༌ལ༌དཧ༌,
27 ཧ༌ཟར༌ གད༌དཧ༌, ཧེཤ༌མོན༌, བེཐ༌ པེ༌ལེཏ༌,
28 ཧ༌ཟར༌ ཤུ༌འལ༌, བེར༌ཤེ༌བ༌, བི༌ཟིའོ༌ཐི༌འཧ༌,
29 བའ༌ལཧ༌, ཨིམ༌, ཨེ༌ཟེམ༌,
30 ཨེལ༌ཀྲོ༌ལད༌, ཀེ༌སིལ༌, ཧོར༌མཧ༌,
31 ཟིག༌ལག༌, མད༌མན༌ནཧ༌, སན༌སན༌ནཧ༌,
32 ལེ༌བཱ༌འོཐ༌, ཤིལ༌ཧིམ༌, ཨའིན༌ དང༌ རིམ༌མོན༌ གྲོང༌ཁྱེར༌ གུན༌ ཨིན༌པིན༌། ལྡོམས༌ གྲོང༌ཁྱེར༌ 29 དང༌ ཏེ༌གུན༌ནི༌ ཉེ༌ཁོར༌རི༌ གྲོང༌སེབ༌གུན༌།
33 ནུབ༌ ཆོགས༌སི༌ རི༌ཡོག༌ག༌ ཡོད༌ཁན༌ནི༌ ཡ༌ཧུ༌དཱ༌ མི༌སྡེའེ༌ གྲོང༌ཁྱེར༌གུན༌ ནི༌ ཨེཤ༌ཏ༌འོལ༌, ཟོ༌རཧ༌, ཨཤ༌ནཧ༌,
34 ཟ༌ནོ༌འཧ༌, ཨེན༌ གན༌ནིམ༌, ཏཔ༌པུ༌འཧ༌, ཨེ༌ནམ༌,
35 ཡར༌མུཐ༌, ཨ༌དུལ༌ལམ༌, སོ༌ཀོཧ༌, ཨ༌ཟེ༌ཀ༌,
36 ཤའ༌ར༌འིམ༌, ཨ༌དི༌ཐ༌འིམ༌, གེ༌དེ༌རཧ༌ ཡ༌ གེ༌དེ༌རོ༌ཐཱ༌འིམ༌ གུན༌ ཨིན༌པིན༌། ལྡོམས༌ གྲོང༌ཁྱེར༌ 14 དང༌ ཏེ༌གུན༌ནི༌ ཉེ༌ཁོར༌རི༌ གྲོང༌སེབ༌གུན༌།
37 ཟེ༌ནན༌, ཧ༌ད༌ཤཧ༌, མིག༌དལ༌ གཱད༌,
38 དི༌ལེའན༌, མིཟ༌པཧ༌, ཡོཀ༌ཐེལ༌,
39 ལ༌ཀིཤ༌, བོཟ༌ཀཐ༌, ཨེག༌ལོན༌,
40 ཀབ༌བོན༌, ལཧ༌མས༌, ཀིཏ༌ལིཤ༌,
41 གེ༌དེ༌རོཐ༌, བེཐ༌ གྲ༌གོན༌, ནའམ༌མཧ༌ དང༌ མཀ༌ཀེ༌དཧ༌ གུན༌ནའང༌ ཨིན༌ནོག༌། ལྡོམས༌ གྲོང༌ཁྱེར༌ 16 དང༌ ཏེ༌གུན༌ནི༌ ཉེ༌ཁོར༌རི༌ གྲོང༌སེབ༌གུན༌།
42 ཏེ༌གུན༌ མ༌ཚད༌ ལིབ༌ནཧ༌, ཨེ༌ཐེར༌, ཨ༌ཤན༌,
43 ཨིཕ༌ཏཧ༌, ཨཤ༌ནཧ༌, ནེ༌ཟིབ༌,
44 ཀེའི༌ལཧ༌, ཨཀ༌ཟིབ༌ དང༌ མ༌རེ༌ཤཧ༌ གྲོང༌ཁྱེར༌ གུན༌ ཨིན༌ནོག༌། ལྡོམས༌ གྲོང༌ཁྱེར༌ 9 དང༌ ཏེ༌གུན༌ནི༌ ཉེ༌ཁོར༌རི༌ གྲོང༌སེབ༌གུན༌།
45 ཡ༌ཧུ༌དཱ༌ མི༌སྡེའེ༌ ཡུལ༌ཇོངས༌སི༌ ནང༌ང༌ ཨེཀ༌རོན༌ དང༌ ཏེ༌བོའ༌ ཐའ༌མའ༌ ཡོད༌ཁན༌ གྲོང༌ཁྱེར༌ དང༌ གྲོང༌སེབ༌གུན༌ ཨིན༌ནོག༌།
46 སན༌ཚམས༌པོ༌ ཨེཀ༌རོན༌ ནེ༌ ནུབ༌ ཆོགས༌ལ༌ ཁྱེད༌ཏེ༌ ཨཤ༌དོད༌དི༌ གྲོང༌ཁྱེར༌ དང༌ ཏེ༌བོའེ༌ ཉེ༌ཁོར༌རི༌ གྲོང༌སེབ༌གུན༌ ཐེས༌ཏེ༌ ཨིན༌ནོག༌།
47 ཨཤ༌དོད༌ དང༌ ཏེ༌བོའེ༌ ཉེ༌ཁོར༌ལ༌ ཚུགས༌ཏེ༌ ཡོད༌ཁན༌ དང༌ གྲོང༌སེབ༌གུན༌, ག༌ཟ༌ དང༌ ཏེ༌བོའེ༌ ཉེ༌ཁོར༌ལ༌ ཚུགས༌ཏེ༌ ཡོད༌ཁན༌གུན༌ དང༌ གྲོང༌སེབ༌གུན༌ ཀ༌བོ༌ ཐག༌རིང༌ ཨི༌ཇིབ༌བི༌ སན༌ཚམས༌སི༌ ཀྲོག༌པོ༌ དང༌ མེ༌གྲི༌ཀྲེ༌རིའན༌ནི༌ ཚོའེ༌ ཐའ༌མ༌ ཚག༌པ༌ ཨིན༌ནོག༌།
48 ཡང༌ རི༌ཡུལ༌ལི༌ ནང༌ང༌ ཡོད༌ཁན༌ ཤ༌མིར༌, ཡཏ༌ཏིར༌, སོ༌ཀོཧ༌
49 དན༌ནཧ༌, ཀི༌རི༌འཐ༌ སན༌ནཧ༌ ༼ཡང༌ན༌ དེ༌བིར༌༽,
50 ཨ༌ནབ༌, ཨེཤ༌ཏེ༌མོཧ༌, ཨ༌ནིམ༌,
51 གོ༌ཤེན༌, ཧོ༌ལོན༌ དང༌ གི༌ལོཧ༌ གྱལ༌ས༌གུན༌ ཨིན༌ནོག༌། ལྡོམས༌ གྲོང༌ཁྱེར༌ 11 དང༌ ཏེ༌གུན༌ནི༌ ཉེ༌ཁོར༌རི༌ གྲོང༌སེབ༌གུན༌།
52 ཨ༌རབ༌, དུ༌མཧ༌, ཨེ༌ཤན༌,
53 ཡ༌ནིམ༌, བེཐ༌ ཏཔ༌པུ༌འཧ༌, ཨ༌ཕེ༌ཀཧ༌,
54 ཧུམ༌ཏཧ༌, ཀི༌རི༌འཐ༌ ཨར༌བ༌ ༼ཡང༌ན༌ ཧེབ༌རོན༌༽ དང༌ ཟི༌འོར༌ གྲོང༌ཁྱེར༌གུན༌ ཨིན༌ནོག༌། ལྡོམས༌ གྲོང༌ཁྱེར༌ 9 དང༌ ཏེ༌གུན༌ནི༌ ཉེ༌ཁོར༌རི༌ གྲོང༌སེབ༌གུན༌།
55 འི༌གུན༌ མ༌ཚད༌ མ༌འོན༌, ཀར༌མེལ༌, ཟིཕ༌, ཡུཏ༌ཏཧ༌,
56 ཡེཟ༌རེ༌འེལ༌, ཡོཀ༌དེ༌འམ༌, ཟ༌ནོ༌འཧ༌,
57 ཀ༌འིན༌, གི༌བེའཧ༌ དང༌ ཏིམ༌ནཧ༌ གྲོང༌ཁྱེར༌གུན༌ ཨིན༌ནོག༌། ལྡོམས༌ གྲོང༌ཁྱེར༌ 10 དང༌ ཏེ༌གུན༌ནི༌ ཉེ༌ཁོར༌རི༌ གྲོང༌སེབ༌གུན༌།
58 ཧལ༌ཧུལ༌, བེཐ༌ ཟུར༌, གེ༌དོར༌,
59 མའ༌རཐ༌, བེཐ༌ ཨ༌ནོཐ༌ དང༌ ཨེལ༌ཀྲེ༌ཀོན༌ གྲོང༌ཁྱེར༌གུན༌ ཨིན༌ནོག༌། ལྡོམས༌ གྲོང༌ཁྱེར༌ 6 དང༌ ཏེ༌གུན༌ནི༌ ཉེ༌ཁོར༌རི༌ གྲོང༌སེབ༌གུན༌།
60 ཀི༌རི༌འཐ༌ བའལ༌ ༼ཡང༌ན༌ ཀི༌རི༌འཐ༌ ཡེ༌རིམ༌༽ དང༌ རབ༌བཧ༌ གྲོང༌ཁྱེར༌ ཉིས༌ཀོ༌ ཡང༌ ཏེ༌གུན༌ནི༌ ཉེ༌ཁོར༌རི༌ གྲོང༌སེབ༌གུན༌།
61 ཐང༌སྟོང༌ངི༌ ནང༌ང༌ བེཐ༌ ཨ༌ར༌བཧ༌, མིད༌དིན༌, སེ༌ཀ༌ཀཧ༌,
62 ནིབ༌ཤན༌, ཚའེ༌ གྱལ༌ས༌ དང༌ ཨེན༌ གི༌གྲི༌ གྲོང༌ཁྱེར༌གུན༌ ཨིན༌ནོག༌། ལྡོམས༌ གྲོང༌ཁྱེར༌ 6 དང༌ ཏེ༌གུན༌ནི༌ ཉེ༌ཁོར༌རི༌ གྲོང༌སེབ༌གུན༌།
63 ཨིན༌ནའང༌ ཡ༌ཧུ༌དཱ༌ མི༌སྡེའ༌ ཡེ༌རུ༌ཤ༌ལེམ༌མི༌ གྱལ༌སའེ༌ ནང༌ང༌ དུག༌ཁན༌ནི༌ ཡེ༌བས༌པ༌གུན༌ ཕིང༌ མ༌ཉན༌། ཏེ༌བོའེ༌ཕིའ༌ ཁོང༌གུན༌ དག༌སའང༌ ཡ༌ཧུ༌དཱའེ༌ མི༌གུན༌ནི༌ ཕྲོའ༌ དུག༌ཨིན༌ ཡོད༌ཏེ༌ ཨིན༌ནོག༌།