100
Úngó Úpî ịcụ́jó rĩ
1 Ĩmi ꞌbá pírí ụ̃nọ́kụ́ drị̃ gá ꞌdĩ, ĩngo úngó Úpí nî!
2 Ĩmi ị̃nzị̃ Úpí ꞌi ãyĩkõ sĩ!
Ĩmi amụ́ ĩꞌdi drị̃lẹ́ gá úngó ãyĩkõ drị̂ kî trũ!
3 Lẽ ĩmi ãꞌị̃ rá Úpí ĩꞌdi Ãdróŋá ꞌi!
Ũꞌbã ãma nĩ ãzíla ãma ĩꞌdi ãni;
ãma ꞌbá ĩꞌdidrị̂ kî, ĩꞌdi ãma tãmba nĩ.
4 Ĩfi ĩꞌdidrị́ kẹ̃jị́ tị gâsĩ ãwãꞌdĩfô fẽŋá trũ
ãzíla ĩꞌdidrị́ lị́cọ́ agâlé ĩꞌdi ịcụ́ŋá trũ
Ĩfẽ ĩꞌdiní ãwãꞌdĩfô; ĩmi ịcụ́ ĩꞌdi rụ́,
5 ãꞌdusĩku Úpí ĩꞌdi múké; lẽtáŋá ĩꞌdidrị̂ la adru jãꞌdâ,
ãzíla ị́jọ́ sĩ ásị́ tị̃jó ĩꞌdi drị̃ gá rĩ la adru áꞌbị́ ãnzị pírí sĩ.