113
Úpí ịcụ́jó mũkẽ ĩꞌdi ꞌbã ngalé rĩ kî sĩ
1 Ĩmi ãtiꞌbo Úpí drị́ ꞌdĩ,
ĩmi ịcụ́ Úpí ꞌi
ĩmi ịcụ́ Úpí ꞌbã rụ́!
2 Lẽ ị́cụ́ Úpí ꞌbã rụ́,
úꞌdîꞌda ãzíla jãꞌdâ.
3 Iꞌdójó ị̃tụ̂ ꞌbã ãfũ agá kpere ị̃tụ̂ ꞌbã ꞌde agá,
ĩmi ịcụ́ Úpí ꞌbã rụ́!
4 Úpí la sụ́rụ́ pírí kí drị̃ ce nĩ,
dị̃zã ĩꞌdidrị̂ alị ꞌbụ̃ kí rá.
5 ꞌBá ãzí ãlu cécé Úpí Ãdróŋá ãmadrị̂ áni la ꞌdáyụ.
Ĩꞌdi uꞌá ãngũ ụrụ gá rĩ gá,
6 wó ꞌbã ru vụ̃rụ́lẹ́
sĩ ị́jọ́ ꞌbụ̃gá ãzíla ụ̃nọ́kụ́ gá rĩ kí ndrejó.
7 Ĩꞌdi ꞌbá lẽmẽrí rĩ kí inga angájó pụ́trụ́ agâlé,
ĩꞌdi ꞌbá ị́jọ́ ꞌbã ndẽlé rá rĩ kí inga ũcõgõ agá rĩ sĩ rá
8 ãzíla ĩꞌdi kí ꞌbã drị̃lẹ́ka kí abe ãngũ ãlu gá,
ꞌbá drị̃lẹ́ka ꞌbadrị̂ kí abe.
9 Ĩꞌdi ãrútáŋá fẽ ũkú úndó rĩ ní rá,
ĩꞌdi ĩꞌdi fẽ uꞌálé ãyĩkõ sĩ ĩꞌdiní fẽjó la ĩꞌdiní anzị kí tịjó rá rĩ sĩ.
Ĩmi ịcụ́ Úpí ꞌi!