114
Úngó ụ̃mụ̃ sĩ alịjó ꞌbá drị̃gâsĩ rĩ drị̂ ꞌi
1 ꞌBá Ịsịrayị́lị̃ drị̂ kí mụ Mị̃sị́rị̃ aꞌbelé ꞌbo,
ꞌbá Yãkóꞌbõ drị̂ kí mụ ãngũ kí ándrá sĩ adrujó ãmị́yọ́ŋá rĩ aꞌbelé ꞌbo,
2 Yụ́dã acá dó ꞌbá Úpí drị́ ãlá rĩ kî rú,
Ịsịrayị́lị̃ acá dó ꞌbá ĩꞌdi ãni la rú.
3 Mĩrĩ ika rĩ ndre ị́jọ́ ꞌdĩ kí íni ãzíla mvu ụ́ngụ́ gá,
mĩrĩ Yõrĩdánĩ tu pá dịŋá gá cí.
4 ꞌBé umvú cécé kãbĩlógó kí áni,
túpũ umvú kí cécé kãbĩlõmvaka kí áni.
5 Ãꞌdu idé ru mĩrĩ mí be nĩ yã, míní mvujó apájó rá gá?
Mi mĩrĩ Yõrĩdánĩ, ítu pá dịŋá gá cí la ãꞌdu sĩ yã?
6 Ĩmi ꞌbé ãmbogo ꞌdĩ, ĩmi umvú ị̃ndrị́ kí áni nĩ yã?
Ĩmi ꞌbé were ꞌdĩ, ĩmi umvú kãbĩlõmvaka kí áni ãꞌdu sĩ yã?
7 Ụ̃nụ́kụ̂ ími ụrụꞌbá ꞌbã yã yã Úpí ꞌbã amụ́ŋá sĩ,
Ãdróŋá Yãkóꞌbõ drị̂ la adrujó cí rĩ sĩ.
8 Uja andrá írã ãngũ ị̃yị́ ꞌbã sĩ tị̃jó la rú,
ãzíla fẽ ándrá írã ũkpó rĩ kí ụrụꞌbá gá kídí ní agájó nĩ.