121
Úpí ĩꞌdi ꞌbá ãma tãmbalépi rĩ ꞌi
1 Ándre ãngũ ꞌbé agâlé;
ãzãkoma mádrị̂ la dó angá íngõlé yã?
2 Ãzãkoma mádrị̂ la angá Úpí ꞌbụ̃ kí ũꞌbãlépi ụ̃nọ́kụ́ be rĩ drị́.
3 Icó fẽlé ími pá ní ĩtrĩjó ku,
ꞌbá ími andre tẽlépi rĩ ko ꞌbãngá ụ́ꞌdụ́ ku.
4 ꞌBá Ịsịrayị́lị̃ tãmbalépi rĩ
ãndẽ ꞌbãngá ku jõku ko ụ́ꞌdụ́ ku.
5 Úpí la ími andre tẽ nĩ;
ĩꞌdi ími andre gá sĩ ími tãmbajó.
6 Ị̃tụ́kã icó ími zãlé ị̃tụ́ sĩ ku,
ĩmbá icó ími fụlé ị̃gbẹ̃ rú ị́nị́ sĩ ku.
7 Úpí la ími tãmba ị́jọ́ ũnzí rĩ kí agá pírí nĩ,
ĩꞌdi ími tãmba ị́jọ́ kóru.
8 Úpí la ími tãmba míní fụ agá ãmvêlé ãzíla míní afí agâ lị́cọ́ gá,
ĩꞌdi míní ị́jọ́ ꞌdĩ nga úꞌdîꞌda ãzíla jãꞌdâ.