128
Ụ̃rọ̃drị́ Úpî rujó rĩ
1 ꞌBá Úpí ụ̃rị̃lépi,
acị́lépi gẹ̃rị̃ ĩꞌdidrị̂ agá ri kí pírí drị̃lẹ́ba rú.
2 Mi ãzị́ míní ngalé rĩ ꞌbã ụ̃rọ̃drị́ ịsụ́ rá,
mi dó sĩ adru drị̃lẹ́ba rú ãzíla málĩ trũ.
3 Ũkú mídrị̂ la mụ anzị kí tịlé wẽwẽ rú lị́cọ́ mídrị̂ gá ꞌdãá
cécé zãbíbũ kalépi kũlũ rĩ áni;
cécé ife mị̃zẹ̃yị́tụ̃ drị́ azólépi úꞌdí rĩ ꞌbã kí ife mị̃zẹ̃yị́tụ̃ drị́ ụ̃kụ rĩ andre cejó rĩ áni,
anzị mídrị̂ kí dó mụ adrulé wẽwẽ rú ĩꞌbaní ri agá ãkónã naŋá gá méjã mídrị̂ tị gá ꞌdãá.
4 Índre, ꞌbá Úpî ụ̃rị̃lépi rá rĩ
la drị̃lẹ́ba ịsụ́ ꞌdĩ ꞌbã áni.
5 Úpí ꞌbã fẽ míní drị̃lẹ́ba angájó Jó ĩꞌdidrị́ Zị̃yọ́nị̃ gá rĩ gá,
ꞌbã fẽ míní drị̃lẹ́ba sĩ ị́jọ́ idélé múké Yẹ̃rụ́sãlẹ́mụ̃ gá rĩ kí ndrejó ími mịfị́ sĩ
ụ́ꞌdụ́ míní adrujó ídri rú rĩ kí agá pírí.
6 ꞌBã fẽ míní anzị mídrị̂ kí ꞌbã anzị kí ndrejó ími mịfị́ sĩ rá!
Ásị́ ị̃gbẹ̃ ꞌba adru Ịsịrayị́lị̃ drị̃ gá!