87
Yẹ̃rụ́sãlẹ́mụ̃ rụ́ ịcụ́jó rĩ
1 ÚPÍ sị táwụ̃nị̃ ĩꞌdidrị̂ ꞌbé ãlá rĩ drị̃ gá;
2 Úpí lẽ táwụ̃nị̃ Yẹ̃rụ́sãlẹ́mụ̃ drị̂ ãndânĩ
ndẽ ãngũ pírí Yãkóꞌbõ ꞌbã sĩ uꞌájó ala gá ri kí rá.
3 Táwụ̃nị̃ Ãdróŋá drị̂, mí are
ị́jọ́ ũnĩ-ambamba jọlé ími drị̃ gá ꞌdi kî.
4 Sáwã mání sụ́rụ́ áma nị̃lépi rá rĩ kí rụ́ sĩjó rĩ sĩ,
ma sụ́rụ́ Mị̃sị́rị̃ drị̂ kí rụ́ ufí sụ́rụ́ Bãbụ̃lọ́nị̃ drị̂ be kí agá ĩndĩ;
ma vâ Tụ́rọ̃ kí ufí Kụ́sị̃ be ala gá ĩndĩ.
Ma jọ la, “Útị ándrá ngọ́tị́ ꞌdĩ Zị̃yọ́nị̃ gá.”
5 Wó Zị̃yọ́nị̃ drị̃ gá ála jọ la,
“Útị ãgọbị ꞌdĩ kí pírí ꞌdâ,
ãzíla Ãdróŋá Ụrụgá ãndânĩ rĩ la ĩꞌdi fẽ adrulé ũkpó trũ nĩ.
6 Úpí la bụ́kụ̃ ĩꞌdidrị́ sĩ ꞌbá kí rụ́ sĩjó rĩ gá
ꞌbá jọlépi la útị ándrá ágọ́bị́ ꞌdĩ Zị̃yọ́nị̃ gá rĩ kí rụ́ sĩ.”
7 ꞌBá úngó ngolépi ãzíla úngó tulépi ri kí ngo la,
“Sụ̃sụ́ wilé ãmaní rĩ kí iꞌdó pírí ꞌbé Zị̃yọ́nị̃ drị̃ gá.”