47
Pathen Hi Leiset Pumpi Lengpa Ahi.
La Lamkaipa Henga Korah Chapa Te Labol.
1 Hungun, mijouse! Nakhut beng uvin!
Pathen kom'a kipah tah in thangvahna sam un!
2 Ajeh chu Pakai Hatchungnung Pen chu gimnei tah ahi.
Ama hi leiset chunga leng thupi tah ahi.
3 Aman imasang uvah namtin vaipi hi asonkun in,
eidougal teu jong ikengto noi uvah eikoipeh tauve.
4 Igoulo diuvin Gamtep Gam chualhengin,
angailut Jacob chilhah te, kithang-at tah a kijot eiho lodinga alhen ahi.
5 Pathen chu gimnei tah in akal touve.
Pakai chu sumkon gin kithong pum'in akal touvin ahi.
6 Pathen thangvah la sauvin, thangvah la sauvin;
ilengpau thangvah la sauvin, thangvah la sauvin!
7 Ajeh chu Pathen hi leiset chung pumpi chunga leng ahi.
Lasah pum'in thangvah un.
8 Pathen alaltouna theng chunga atouvin,
namtin vaipi lah a vai ahom'e.
9 Vannoi leiset vaihomte
Abraham Pathen mite toh atoukhom'un ahi.
Ajeh chu leiset chunga leng jouse hi Pathen'a ahi.
Ama hi vannoi leiset chung muntin'a jana achang'in ahi.