61
Pathen'in Eihong Jing'e Tia David Kinepna.
La lamkaipa heng'a Semjang toh thoa sah dia David labol.
1 O Pathen, ka kana nei ngaipeh in!
Ka taona hi ngai in!
2 Lungsung lunghem nan eilon khum tengleh
leiset kol kimvel a kon'in,
nei panpi ngaichan kakap e.
Hoidohna songpi sang chung'ah neipui touvin,
3 ajeh chu nangma hi kakiselna mun olna pen chu nahi,
ka melma te'n ahin phahjou louna kulpi chu nangma nahi.
4 Na muntheng'a tonsot in nei chensah in,
hilai chu nalha limnoi kiselna chu ahi.
Selah
5 O Pathen, ka kitepna chu nei jahpeh tai.
Nangma gingte chan dia na gonpeh nagou lona mun chu neipeh ahitai.
6 Lengpa hinkho hi kum tamtah pehben!
Khangkit geijin jong hing hoijin!
7 Pathen hoidamna achun vaihom jing hen.
Na mingailutna longlou le na kitahna chun kaihoi jing hen.
8 Hiteng chuleh nitin a ka kitepna subulhit ing kating
tonsot in namin thangvah jing tang e.