70
Huhhingna Dia David Atao.
La lamkaipa heng'a Pathen'in ageldoh jingna dia David labol.
1 Pathen, lungset tah in nei huhdoh in!
Pakai, gangtah in hungin lang, nei hung kithopin.
2 Tha dia eihol ten
jumna toh uhenlang jachat sah in.
Ka genthei pet a kipah ho
jachat thoh pumin kinungle sah tan.
3 Amaho chu tijat le jachat thoh sah in,
ajeh chu ama hon, “Aha! Tun ama ikhut uvah aumtai!” atiuve.
4 Hinlah koi hileh nangma holte jousen
nanga kipa le thanopna dimset mu uhen.
Koi hileh na mihuhhingna ngaicha ho
jouse chun, “Pathen hi aloupi e!” tin sam ging uhen.
5 Hinla keima vang, vaicha le lhasam kahi;
O Pathen, lungset tah in eipanpi din hung loi in;
Nang hi eipanpi le eihuhhing pa nahi;
O Pakai, geisang hih in.