72
Israel te Leng Dinga Taona.
Solomon labol.
1 O Pathen, nang'in na ngaisang thutan dihna chu lengpa hinpe jeng'in,
chule na chonphatna chu lengpa chapa hinpe tan.
2 Na mite chung'a thu adih in tansah in;
genthei lengvai te jong achan dingdol chang jing uhen.
3 Molsang dung hon jong mijouse dingin haodohna sodoh sah hen,
chule thinglhang in jong gapha sodoh sah hen.
4 Genthei lengvai te panhu sah inlang,
alhasam ho chate huhdoh hen,
chule mi sugenthei te chu sumang jeng hen.
5 Nisa asat laise, vanlai jol’a lha aum laisen,
amahon nangma naging uhen.
Heng’e, tonsot a dingin!
6 Lengpa chu amite lah a go'n leiset chung achapnou bangin,
hamdong ho tobang amite chapnou hen.
7 Ahinkho lhum keijin chonphatna hinkho chepi jing hen.
Chule lha'n vah aneilai sen khangtou jing hen.
8 Alenggam in twikhanglen khat a kon'in twikhanglen langkhat hoppha hen lang,
chule Euphrates Vadung'a kon'in leiset mong langkhat gei hop hen.
9 Neldi gam a gancha ching miten chibai aboh diu ahi;
amelma te jong amasang a um nen le boh lah achun lhu cheh unte.
10 Tarshish le gamla tah a cheng lhumlam leng te'n
kai hin peuhen.
Sheba le Seba a kon solam lengte'n
kipa thilpeh hinchoi uhen.
11 Leng jouse a ang'a kun untin,
namtin vaipi alhacha a hung pang diu ahi.
12 Aman genthei lengvai te chu akom'a atao teng uleh hin huhdoh intin;
min abol genthei panpi beiho chu ahin panhu ding ahi.
13 Aman milhasam te neilou te akhotoa
chule ahin huhdoh ding ahi.
14 Pumhat a kibol thohgimna noija umho chu alhatdoh ding ahi,
ajeh chu Aman amaho chu alainatpi ding ahi.
15 Lengpa chu hingsot hen!
Sheba sana chu ama kipe hen.
Amiten taopeh jing uhen
chule nilhum keijin phatthei boh uhen.
16 Agamsung uva chang le mim nengchet hen,
thinglhang vum geijin chang le mim kehdoh hen.
Thei phung ho jong Lebanon thingphung ho bangin kehdim uhen,
chule mipite jong hamphung pha bangin hinhoi uhen.
17 Tonsot in lengpa minthang hen,
nisa asat laisen chejom jing hen.
Namtin vaipi ama jeh in phatthei chang uhen
chule thangvahna hin lhut hen.
18 Pakai, Israel Pathen chu thangvah in um hen,
Ama bouvin chutobang thil kidang aboldoh thei ahi.
19 Amin loupi chu tonsot in thangvah in umhen!
Vannoi leiset hi Ama loupina dimset hen.
Amen chule Amen!
20 (Hiche hi Jesse chapa David taona achaina ahi).