75
Pathen'in Mikitah Ho Adopsang.
La Lamkaipa henga “Sumang Hih In!” lakaiya sah dia Asaph labol.
1 O Pathen, nangma ka thangvah e!
Pakai nangma nailam'a naum jeh in ka thangvah uve.
Muntin a um mipi ten na thilbol kidangtah ho aphongdoh un ahi.
2 Pathen'in asei e, “Keiman thutanna phat khat kagong e,
Keiman mingol te douna a dihtah a thu katan ding ahi.
3 Leiset hi akiholing a chule mihemte lung boijya akhosah teng'u,
leiset bulpi tuhchah jing ding chu kahi.
Selah
4 “Keiman mikiletsah ho kagih in, ‘kiletsah datan!’ kati.
Migiloulou ho kom'a ka seipeh in, ‘Na khuttum jel hih un!
5 Vanho dounan na khuttum jel hih in
ahilouleh nahsah loutah in thu seihih in,'” kati.
6 Ajeh chu leiset chunga—koimacha solam a kon hihen lhumlam-a kon hijongleh,
ahilouleh gamthip noi a kon hijongleh—
kihisah tah a akhuttum ajel louding aphai.
7 Ajeh chu thutan vaihom'a hi Pathen Ama bou ahi;
Ama hin koipen ding doh ding ham ahilouleh koipen lhuding ham alhen ahi.
8 Ajeh chu Pakaijin juphon gimnamtui toh kihal chu
akhut a khon khat in achoiye.
Aman hiche ju chu thutanna mun a asunglut in,
hichu migilou chengin adon tei-tei diu,
adontheng hel diu ahi.
9 Hinla keima vangin, Pathen thil bol ho hi ka phondoh ding;
Jacob Pathen henga vahchoila kasah ding ahi.
10 Ajeh chu Pathen'in asei e, “Keiman miphalouho thahatna chu ka suhchip ding,
ahinla michonpha ho thahatna kahat sah beding ahi,” ati.