Yook 58
Yook ambo bi ye karub yeman. “Monmaraib” andi ye yook ye kiwaan yaambed wingki yeman. Miktam ye yook Dewidbed wongkoon.
1 O aromkonomo oonidan, yiib kuu weng yorokmo dakmimaiwoo?
Yiib kuu nimakarub yaa anammo wengyundimaiwoo?
2 Dowan! Yiib niindem aom kuu yorokmomban unitab ye inamen ongmenabimaib,
kwane yiib dingkimbed yeremborom ye inamen yaambed okad yiridan yaa ambangkimaib.
3 Arewa kamidan kuu yi wooniwen yirimbed kwane abdon yaa winimaib,
yi dana mana yaambed kwane wabkad kere dudanabimaib.
4 Yi weng ambod kuu niin ye ambod arewa kwamune areb.
Yi kuu weng amun yaa kened warudki areb kerenib niinbed domonande kaimaib areb kerimaib.
5 Yi kuu yi korok korok yi weng yaa ma meenimokban,
korok korok miin amun kuned.
6 O God, yi mongkodkono aom ningkambo kuu wowe domangke.
O Yariman, yi kuu laiyon ye ningkambo yidkangiib areb kowe yi arud yeman domangke ben kiradme.
7 Yi kuu domondebko, ok keekne dowan keremoon areb kerime.
Kwane yi ana baradmibka, yi anamo dingkanabok.
8 Yi kuu dudubkorokbed ema irin wanaane okmo keremoon areb kerime.
Bob dana woonimaib kwane aron nambiri wedmokban kerime.
9 Atok kokiib o okiib kumbed nengkaiwe
dini yeman amot yumbu ari nowaiwe nimin kerindo mokaid areb,
arewa kamidan kuu kirodmo are ben kiradmaneen.
10 Yorokmodan yi dowad arewa kamidan keyaa kwane ingkandaneen kuu kubaniib,
yorokmodan kuu arewa kamidan yi umkan aom yi yon okaniib kumbed kubaniib kui.
11 Kwananeene nimakarubbed yedmaniib,
“Anam kuu yorokmodan kuu kakman amun bangkandimaan,
anam kuu okad yiridan wengyundi ye God kuu doreen kii!” andaniib.